Սեպտեմբերի 16-ին ICC Armenia-ի նախաձեռնությամբ անցկացվեց «Կանանց հնարավորություններն ու մարտահրավերները կորպորատիվ միջավայրում» խորագրով կլոր սեղան-քննարկումը, որը միավորեց բիզնեսի, կորպորատիվ կառավարման, կրթության և սպորտի ոլորտները ներկայացնող կին առաջնորդների՝ քննարկելու կանանց մասնագիտական առաջընթացի հնարավորություններն ու խոչընդոտները։

Քննարկման առանցքում կանանց դերն էր ժամանակակից բիզնես միջավայրում, նրանց առջև ծառացած մարտահրավերները և այն գործոնները, որոնք ազդում են առաջնորդության, կարիերայի զարգացման ու ձեռնարկատիրական գործունեության վրա։

Քննարկմանը մասնակցեց նաև staff.am-ի և Hirebee.ai-ի համահիմնադիր և գործառնական տնօրեն Լուիզա Ավետիսյանը՝ տարբեր ոլորտների ներկայացուցիչների հետ միանալով կորպորատիվ միջավայրում կանանց հնարավորությունների, մասնագիտական զարգացման և առաջնորդության շուրջ ծավալված զրույցին։

Լուիզա Ավետիսյանի մասնակցությունը նման քննարկումներին կարևորում է նաև տեխնոլոգիական և գործարար միջավայրում կանանց առաջնորդության փորձի ներկայացումը։ Որպես staff.am-ի և Hirebee.ai-ի համահիմնադիր և գործառնական տնօրեն՝ նա ներկայացնում է աշխատաշուկայի և տեխնոլոգիական բիզնեսի ոլորտները, որտեղ մասնագիտական զարգացումն ու նոր հնարավորությունների ստեղծումը կարևոր նշանակություն ունեն։
Քննարկման կարևոր բաղադրիչ էր նաև տարբեր մասնագիտական ճանապարհների և փորձառությունների համադրումը, որը հնարավորություն տվեց կանանց առաջնորդության թեմային անդրադառնալ ավելի լայն՝ բիզնեսի, աշխատաշուկայի և կազմակերպական զարգացման տեսանկյունից։

Հանդիպման ընթացքում անդրադարձ կատարվեց թեմաների լայն շրջանակի՝ սոցիալական ակնկալիքներից և կրթությունից մինչև հոգեբանական կայունություն, առաջնորդություն, կարիերայի զարգացում, բիզնես հնարավորություններ և աշխատանքային ու անձնական կյանքի հավասարակշռություն։

Քննարկմանը մասնակցում էին նաև Nairi Insurance-ի գործադիր տնօրեն Մանե Մարտիրոսյանը, Haleb, Sharoyan-Saryan-ի հիմնադիր և գործադիր տնօրեն Ալին Մասրելյանը, Event & Expo Group-ի հիմնադիր և գործադիր տնօրեն Քրիստինա Երեմյանը, Nazik Avdalyan Foundation-ի հիմնադիր Նազիկ Ավդալյանը և ՀՌՀ զբոսաշրջության և ծառայությունների ամբիոնի վարիչ, դոցենտ Արմինե Աղաջանյանը։ Քննարկումը վարում էր ICC Armenia-ի Women Entrepreneurs Task Force-ի նախագահ Արմինա Ստեփանյանը։

Տարբեր ոլորտների ներկայացուցիչների մասնակցությունը հնարավորություն տվեց քննարկումը դիտարկել մի քանի մասնագիտական տեսանկյունից՝ անդրադառնալով ոչ միայն կանանց կարիերայի զարգացմանը, այլև բիզնեսում նրանց ներգրավվածության, առաջնորդության և նոր հնարավորությունների ստեղծման հարցերին։

staff.am-ը կարևորում է այն նախաձեռնությունները, որոնք խթանում են առաջնորդության, աշխատաշուկայի և բիզնեսի զարգացման շուրջ բովանդակալից երկխոսությունը՝ միավորելով տարբեր ոլորտների փորձն ու գաղափարները։ Նման հարթակները հնարավորություն են տալիս ձևավորելու մասնագիտական կապեր, փոխանակվելու փորձով և ուշադրության կենտրոնում պահելու այն հարցերը, որոնք կարևոր են ժամանակակից աշխատանքային ու բիզնես միջավայրի զարգացման համար։