Հոկտեմբերի 30-ին EasyPay ֆինտեխ ընկերությունը և Հայաստանի եվրոպական համալսարանը կնքեցին համագործակցության հուշագիր Կարիերայի զարգացման և շարժունության բաժնի ու Ֆինանսների և բանկային գործի ամբիոնի նախաձեռնությամբ։
Հուշագրով կողմերը կհամատեղեն գործնական փորձն ու ակադեմիական գիտելիքը և կզարգացնեն համագործակցությունը՝ իրականացնելով ուսումնական և գործնական ծրագրեր՝ մասնագիտական սեմինարներ, վարպետաց դասեր, ուսանողների պրակտիկա և կադրերի համալրում EasyPay-ում։
Այս համագործակցությունը ապահովում է ուսանողներին մասնագիտական զարգացման և ֆինտեխնոլոգիաների մրցունակ ոլորտում կարիերայի կառուցման հնարավորություններով։
ՀԵՀ-ում նախկինում կազմակերպվել են կրթական հանդիպումներ և համաժողովներ EasyPay-ի, մասնավորապես ընկերության գործադիր տնօրենի տեղակալ, ֆինանսական տնօրեն Արմեն Վիրաբյանի մասնակցությամբ։ Ապրիլի 8-ին անցկացված «Ապագայի ֆինանսներ․ ի՞նչ սպասել վաղը» և մայիսի 15-ին կայացած «Նոր սերնդի ֆինանսիստների համաժողով. մտածողություն, փորձ, նորարարություն» միջոցառումները այս համաձայնագրի հիմքը հանդիսացան։
EasyPay-ը Հայաստանի առաջատար ֆինտեխ ընկերություններից է, որի նպատակն է պարզեցնել մարդկանց ֆինանսական կյանքը՝ առաջարկելով պարզ լուծումներ վճարումների ու դրամական փոխանցումների համար։ Կորպորատիվ սոցիալական պատասխանատվությունը EasyPay-ի գործունեության բաղկացուցիչ մաս է կազմում․ ընկերությունը պարբերաբար իրականացնում է ծրագրեր տարբեր ուղղություններով, ներառյալ՝ կրթական, ինչպիսին է ՀԵՀ-ի հետ այս համագործակցությունը։
