7 օր նեթվորքինգի անսահմանափակ հնարավորություն, ձեռնարկատիրական քննարկումներ, ստարթափ ելույթներ, պանելային քննարկումներ, փորձի փոխանակումներ ու գերակտիվություններ տարբեր ընկերությունների կողմից. այսպիսին էր Seaside Startup Summit 2023-ը, որի վայբը կարող եք ամբողջովին վերապրել նաև staffmedia.am-ում։
staffmedia.am-ը հատուկ անդրադարձ է կատարել staff.am գործընկեր այն կազմակերպություններին, որոնք հատուկ մասնակցություն են ունեցել Seaside Startup Summit 2023-ին։
TEAM TELECOM ARMENIA
Տեխնոլոգիական և կրթական ոլորտներին աջակցելու, նորարարական գաղափարները և ստարտափներին խրախուսելու նպատակով Team Telecom Armenia-ն միացավ ամենասպասված Seaside Startup Summit 2023 միջոցառմանը՝ որպես տեխնոլոգիական գործընկեր։
Team Telecom Armenia-ի գլխավոր տնօրեն Հայկ Եսայանը CampFire Talk-ի ընթացքում մասնակիցների հետ զրուցեց Հայաստանում հեռահաղորդակցության ոլորտի պատմության ու տրանսֆորմացիայի, տեխնոլոգիաների զարգացման գործում տելեկոմ ոլորտի կարևորության և Team Telecom Armenia-ի ապագա ծրագրերի մասին։
NAIRI INSURANCE
Nairi Insurance-ն արդեն երրորդ անգամ է մասնակցում Sevan Startup Summit-ին` որպես գործընկեր։ Սամմիթի կողքին կանգնելը նաև ընկերության սոցիալական պատասխանատվությունն է` նպաստել մեր երկրում ոլորտի կայացմանը, զարգացմանը, ՏՏ աշխարհում Հայաստանի դիրքավորմանը։
Այս տարի Nairi-ն Սամմիթի Official insurance partner-ն էր`բոլոր մասնակիցներին և հյուրերին նվիրելով դժբախտ պատահարներից ապահովագրություն, որը գործում էր սամմիթի օրերի ընթացքում և սամմիթի անցկացման տարածքում` 1 մլն ՀՀ դրամ ապահովագրական ծածկույթով։
Nairi-ն այս տարի սամմիթում ներկայացրեց իր տեխնոլոգիական նորարարությունը։ Nairi Insurance-ն առաջինն է Հայաստանում, որ մեքենայի վնասի գնահատման համար փորձարկում է արհեստական բանականության հնարավորությունները։ Ամիսներ շարունակ ծրագրավորողների մի մեծ թիմ աշխատել է նորարար այս լուծման ուղղությամբ։ Nairi-ն առաջինն էր Հայաստանում, որ գործարկեց բջջային հավելված՝ Nairi Mobile, հիմա էլ աշխատում է հավելվածում AI-ի օգնությամբ մեքենայի վնասի գնահատման գործառույթն ամբողջապես ներդնելու համար։ Seaside Startup Summit-ի շրջանակներում Nairi-ն նաև հովանավորեց Հայաստանում առաջին անգամ անցկացված Մետագեյթ սարքով հաշմանդամային կիբերսպորտի մրցույթը, որի մասնակիցները 44-օրյա պատերազմի զինհաշմանդամներ էին։
TEACH FOR ARMENIA
Մասնակցելով Sevan Startup Summit 2023-ին՝ «Դասավանդի՛ր, Հայաստան» կրթական հիմնադրամը հարյուրավոր մասնակիցներին հնարավորություն ընձեռեց ավելի խորքային պատկերացում կազմել մեր երկրի կրթական համակարգում առկա հիմնախնդիրների և հիմնադրամի բազմամյա գործունեության մասին, որն ունի նպատակ լուծում տալ այդ խնդիրներին՝ ստեղծելով ավելի բարեկեցիկ և խոստումնալից կրթական ապագա մեր համայնքների համար։
Բացի այդ, սա հիանալի հնարավորություն էր ներկայացնելու ընկերության Շրջանավարտ-դեսպանների՝ կրթությանն ուղղված նորարարական ստարտափերն ու պարզապես լավ ժամանակ անցկացնել միասին՝ որսալով կրթական ալիքը սապբորդինգի օգնությամբ։
COCA-COLA HBC ARMENIA
Այս տարի Coca-Cola HBC Armenia ընկերությունը Seaside Startup Summit 2023-ին մասնակցեց երկու ձևաչափով՝ հանգստի գոտի ձևաչափով և ֆոտո/վիդեո զոնայով Music Fest with Coca-Cola միջոցառման շրջանակներում։
Ուշագրավ էր նաև Coca-Cola HBC Armenia-ի և Sparkloworld ընկերության համատեղ հանդես գալը նոր՝ Սպարկլոմատ ապարատով։ «Աշխարհն առանց թափոնների» հայեցակարգի շրջանակներում ձևավորված այս համագործակցությունը հնարավորություն կտա համատեղել թափոնների վերամշակումը զվարճանքի հետ։ Յուրաքանչյուր շշի դիմաց տրվում են միավորներ, որոնք կարող են փոխարինվել զեղչերով։
Coca-Cola-ն իրականցնում է հնարավոր բոլոր քայլերը հասարակության շրջանում թափոնների վերմաշակման վարքագիծը ձևավորելու համար։
ARDSHINBANK
Ardshinbank-ը մասնակցել է Seaside Startup Summit 2023-ին տարբեր ֆորմատներով․ Camp Fire Talk-ում ոչ պաշտոնական զրույց խարույկի շուրջ, պանելային քննարկումներ, հանդես եկել որպես մենթոր, ժյուրիի անդամ, ներկայացել բանկի գործունեության տարբեր ոլորտների մասնագետներով և տաղավարով:
Seaside Startup Summit 2023-ին մասնակցությունը Ardshinbank-ի համար հնարավորություն էր ծանոթանալու նոր գաղափարների, բիզնեսի նոր ուղղությունների և նոր հաճախորդների հետ, ինչպես նաև խոսել Ardshinbank-ի ներդրումային հնարավորությունների ու նորարարական թվային լուծումների մասին, ոչ ֆորմալ շփվելու հայաստանյան սկսնակ ընկերությունների, ձեռներեցների, ոլորտի առաջատարների հետ:
DEXATEL
Seaside Startup Summit 2023-ին Dexatel ընկերությունը մասնակցեց որպես գործընկեր։
Ընկերության հիմնադիրը՝ Գեղամ Ազատյանը և տեխնիկական տնօրեն՝ Սիփան Բաբերցյանը մենթորշիփի շրջանակներում իրականացրեցին խորհրդատվություն։ Ընկերության հիմնադիր Գեղամ Ազատյանը նաև ներկայացավ ոլորտին վերաբերող առանձին ելույթով։
Թիմը ևս հնարավորություն ունենցավ ծանոթանալու այլ մասնակիցների հետ, կիսվել սեփական փորձով և ներկա գտնվել հետաքրքիր այլ սփիչերի։
INTENT.AI
Հայ հիմնադիրներ ունեցող Intent.ai ընկերությունը Sevan Startup Summit-ի թվային նորարարության գործընկերն էր։
Intent.ai-ը գովազդային հարթակ է, որը հնարավորութուն է տալիս 87% ճշգրտությամբ թիրախավորել ցանկալի լսարանը։ Բարձր ճշգրտությունն ապահովվում է տելեկոմ օպերատորների հետ համագործակցության և նրանց մոտ առկա տվյալների ապանձնավորված օգտագործման շնորհիվ։
Ընկերության հիմնադիր Ալեքսանդր Եսայանը, տեխնիկական տնօրեն Հարութ Մարտիրոսյանը և գործառնական տնօրեն Ջուլիա Թումասյանը տեղում ներկաներին պատմել են Seaside Startup Summit-ի հետ համագործակցության, ընկերության առաջարկած տեխնոլոգիական լուծումների ու մրցակիցների հանդեպ առավելության վերաբերյալ։ Բացի այդ Ալեքսանդր Եսայանը Campfire Talk-ի ընթացքում մասնակիցների հետ զրուցել է հաջողության հասնելու ուղիների, թիմային մշակույթի կարևորության և միջազգային շուկա դուրս գալու առաջիկա ծրագրերի մասին։
TELCELL
Telcell ընկերությունն այս տարի Seaside Startup Summit 2023-ի վճարային պաշտոնական գործընկերն էր։
Սամմիթի շրջանակներում ընկերությունն ապահովեց տոմսերի ձեռքբերման հնարավորություն Telcell Wallet հավելվածով և ներկայացավ նոր պրոդուկտներով, մասնավորապես՝ թարմացված Telcell Wallet հավելվածի բետա տարբերակով։
STAFF.AM
Անդրադառնանք նաև մեր մասնակցությանը Seaside Startup Summit 2023-ին։
Sevan Startup Summit-ի հետ համագործակցությունը սկսել ենք դեռևս 2017-ին, երբ staff.am-ի թիմը մասնակից ստարթափներից մեկն էր։ 2019-ին մեր համահիմնադիրներն արդեն վերադարձան որպես մենթոր։
Իսկ այս տարի, staff.am համահիմնադիր Լուիզա Ավետիսյանը հրավիրված էր Campfire Talk ձևաչափով կիսվելու իր փորձով։
Ավելի քան մեկ ժամ տևած և 40+ մասնակից ունեցող Campfire Talk-ի ընթացքում Լուիզան խոսեց staff.am-ի ստեղծման մասին, այն մարտահրավերների մասին, որոնց հետ թիմն առերեսվել է, և այն դասերի մասին, որոնք քաղել ենք այս ընթացքում։ Ստարթափ հիմնադիրների հարցերը բազմաթիվ էին, և Լուիզան դեռ երկար առանձնազրույցներ ունեցավ մասնակիցների հետ։
SHTIGENGROUP
Shtigen ընկերությունների խումբը Seaside Startup Summit-ում այս տարի ներկայացավ որպես Կայուն գործընկեր՝ իր արժեքներն ու գաղափարախոսությունը փոխանցելով էներգետիկ առումով անկախ box-տաղավարով։
Միջոցառման շրջանակում Shtigen Ventures-ի ու Triple S Ventures-ի միջև համագործակցության հուշագիր կնքվեց, որի նպատակը, միավորելով երկու ընկերությունների ներուժն ու արժեքները, համագործակցային դաշտն ընդլայնելն է։
Seaside Startup Summit-ում ներկայացված էր նաև Հայաստանում NETA բրենդի միակ պաշտոնական ներկայացուցիչ, Shtigen Group-ի մաս կազմող Andron ընկերությունը, ինչպես նաև էլեկտրաէներգիայի առևտրով զբաղվող Enerex ընկերությունը, որն իրական այլընտրանք է ՀԷՑ-ին՝ առաջարկելով ավելի մատչելի սակագնով էլեկտրաէներգիա։
Shtigen Group-ի կորպարատիվ ազգային պատասխանատվության շրջանակում գործող «Արևածագ Արցախում» նախագիծը ևս հատուկ շեշտադրմամբ Seaside Startup Summit-ի՝ Shtigen-ի տաղավարում էր։
GLOBBING
Ժամանակին լինելով ստարտափ, իսկ այժմ՝ միջազգային կորպորացիա՝ Globbing-ը շարունակում է լինել տարբեր երկրների ստարտափների կողքին և աջակցել նրանց։
Եվ այս անգամն էլ բացառություն չէր, ուստի Seaside Startup Summit-ում Globbing-ը հանդես եկավ որպես Revolutionary Shopping Partner:
Շնորհիվ ընկերության ջանքերի՝ բոլոր բաժինների աշխատակիցներին հնարավորություն ընձեռվեց ներկա գտնվելու և կիսելու այդ հիշողությունները թիմի հետ:
Շնորհակալություն ենք հայտնում Seaside Startup Summit 2023-ի ողջ անձնակազմին նման բարձր մակարդակով այս միջոցառումը կազմակերպելու համար, անհամբերությամբ սպասում ենք հաջորդ տարվա սամմիթյան օրերին այս եռուզեռը վերապրելու համար։
