'%3e%3cmask%20id='mask0_6199_2258'%20style='mask-type:luminance'%20maskUnits='userSpaceOnUse'%20x='0'%20y='0'%20width='20'%20height='20'%3e%3cpath%20d='M0%200H20V20H0V0Z'%20fill='white'/%3e%3c/mask%3e%3cg%20mask='url(%23mask0_6199_2258)'%3e%3cpath%20d='M15.75%200.937012H18.8171L12.1171%208.61415L20%2019.0627H13.8286L8.99143%2012.727L3.46286%2019.0627H0.392857L7.55857%2010.8484L0%200.93844H6.32857L10.6943%206.72844L15.75%200.937012ZM14.6714%2017.2227H16.3714L5.4%202.6813H3.57714L14.6714%2017.2227Z'%20fill='white'/%3e%3c/g%3e%3c/g%3e%3cdefs%3e%3cclipPath%20id='clip0_6199_2258'%3e%3crect%20width='20'%20height='20'%20fill='white'/%3e%3c/clipPath%3e%3c/defs%3e%3c/svg%3e)
Լավագույնը լինելու ոգեշնչում և ձգտում կատարելության. ահա, թե ինչն է առավելագույնս բնութագրում Teleperformance Armenia-ին։ staff.am-ի և staffmedia.am-ի վաղեմի օգտատերերը հաստատ կհիշեն մեր գործընկեր Majorel Armenia-ին` հայտնի կարիերայի իր լայն հնարավորություններով գերմանախոս մասնագետների համար և ոչ միայն։ Այժմ այդ հնարավորությունները բազմապատկվել են, քանի որ 5 տարի Հայաստանում գործելուց հետո Majorel Armenia-ն միացավ Teleperformance Group-ին:
Այսօր կբացահայտենք Teleperformance Armenia-ին staffmedia.am-ի դիտակետից և առաջարկում ենք անել դա միասին։ Սկսենք տեսանյութից և փոքրիկ սփոյլից :): Teleperformance Armenia-ում մեզ հանդիպած յուրաքանչյուր մասնագետի ճանապարհն ընկերության հետ իսկական հաջողության պատմություն է, որը ոչ միայն ոգեշնչող է, այլ նաև փաստում է գործատուի նվիրման մասին աշխատակիցների մասնագիտական և անձնային աճին։
Teleperformance Group-ի մասին թվերով՝
170
սպասարկվող երկիր
500
աշխատակից Հայաստանում
500000
աշխատակից ամբողջ աշխարհում
Մեր այցի ընթացքում ընկերության թիմակիցների հետ զրուցել ենք Teleperformance-ի գործունեության, մասնագիտական և անձնային աճի հնարավորությունների, աշխատակիցներին տրամադրվող արտոնությունների, կարիերան սկսելու ճանապարհի և այլ հետաքրքիր մասնարամասների մասին։
Teleperformance Armenia-ում առաջինը մեզ դիմավորեց ՄՌ ղեկավար Անի Ասլանյանը, ով պատմեց ընկերության գործունեության մասին և բացահայտեց, թե ինչպիսին է Teleperformance-ը որպես գործատու։
Ի՞նչ գործունեություն է ծավալում Teleperformance-ը։
Մեր ընկերությունը հիմնադրվել է որպես Մեյջորել Արմենիա Երևանում 2019 թվականին՝ մեզ այն ժամանակ միացած հաճախորդների սպասարկման 30 մասնագետներով։ Այժմ մենք հանդիսանում ենք Teleperformance ընկերության մի մասը, որը խոշորագույն միջազգային ընկերություն է և խոշորագույնն է BPO ոլորտում։ Մենք շատ հպարտ ենք, որ մեզ հաջողվել է աշխատանքի ներգրավել մոտ 500 գերմանախոս մասնագետների Հայաստանում։
Ինչո՞վ է առանձնանում Teleperformance-ը որպես գործատու և ի՞նչ արտոնություններ է տրամադրում իր աշխատակիցներին։
Մեզ մոտ կարող են աշխատանքի ներգրավվել տարբեր մասնագիտության, կրթական որակավորման տեր մարդիկ՝ տարբեր տարիքի, անգամ, առանց նախնական աշխատանքային փորձի հաճախորդների սպասարկման ոլորտում։ Teleperformance Armenia-ում կարող են աշխատանքի անցնել նաև ուսանողները՝ ոչ լրիվ աշխատաժամանակով։
Մենք փորձում ենք ստեղծել հաճելի միջավայր մեր աշխատակիցների համար և ավելի հագեցած դարձնել նրանց առօրյան աշխատանքից դուրս՝ կազմակերպելով որոշակի միջոցառումներ (արշավներ, կավագործության, նկարչության դասեր և այլն)։ Ընկերությունում խրախուսվում է նաև առողջ ապրելակերպն աշխատակիցների շրջանում՝ տրամադրելով բժշկական ապահովագրություն և հնարավորություն կորպորատիվ փաթեթներով օգտվելու մարզասրահներից։
Անի Ասլանյան, ՄՌ ղեկավար
Մեր զրույցը շարունակեցինք Վահե Զարգարյանի հետ, ով սկսելով իր կարիերան Teleperformance Armenia-ում որպես հաճախորդների սպասարկման գերմանախոս մասնագետ, 4 տարվա ընթացքում հասցրել է գրանցել կարիերայի աճ և ստանձնել գերմանալեզունախագծի գործառնական ղեկավարի պաշտոնը։
Կիսվեք Ձեր հաջողության պատմությամբ Teleperformance-ի հետ։
Շուտով կլրանա 4 տարին, ինչ աշխատում եմ Teleperformance-ում։ Ինչպես մեր գործընկերների մեծ մասը, ես էլ, իմ կարիերան սկսել եմ որպես հաճախորդների սպասարկման մասնագետ։ 6 ամիս անց հնարավորություն ունեցա դիմելու և դառնալու թիմի ավագ վերահսկող։ Այդ պաշտոնում աշխատել եմ մոտավորապես 1 տարի, այնուհետև, երբ իմացա, որ հնարավորություն կա դառնալու նաև գերմանախոս նախագծերից մեկի գործառնական ղեկավար, օգտագործեցի այդ շանսը ու պսակվեց հաջողությամբ։ Մոտավորապես երկու տարի է, ինչ զբաղեցնում եմ այս պաշտոնն ու կարծում եմ, որ սա իմ մասնագիտական աճի և կարիերայի ոչ վերջին հանգրվանն է։
Մասնագիտական հաջողության պատմությունները Teleperformance Armenia-ում այսքանով չեն ավարտվում։ Ծովինար Սուքիասյանը, ով նույնպես միացել է Teleperformance Armenia-ին որպես հաճախորդների սպասարկման գերմանախոս մասնագետ, այժմ աշխատում է որպես դասընթացավար և նպաստում նոր աշխատակիցների ավելի սահուն ինտեգրմանն աշխատանքին։
Ի՞նչ ճանապարհ եք անցել Teleperformance-ում։ Ինչպե՞ս է ընկերությունը նպաստել Ձեր մասնագիտական ու անձնային աճին։
Teleperformance Armenia-ում աշխատում եմ 3 տարի։ Սկզբում ընդունվել եմ որպես հաճախորդների սպասարկման մասնագետ ու դա իմ մասնագիտությանը շատ մոտ էր։ Արդեն 6 ամիս է աշխատում եմ որպես թրեյներ՝ դասընթացավար։ Այս հաստիքում ինձ ավելի ազատ եմ զգում, որովհետև կապ ունեմ նոր ընդունվող աշխատակիցների հետ։ Ես նրանց ուղեկցում եմ դեպի Teleperformance Armenia ու ծանոթացնում մեր ծրագրային առանձնահատկություններին:
Վստահ ենք, որ նման ոգեշնչող պատմություններն անտարբեր չեն թողնի մեր գերմանախոս օգտատարերին։ Հավաքագրման թիմի ղեկավարԹամարա Բեշիկյանի հետ խոսեցինք Teleperformance-ում հաճախորդների սպասարկման գերմանախոս մասնագետի հաստիքի մասին և, իհարկե, մասնագիտական և անձնային այն որակների մասին, որոնք ակնկալվում են թեկնածուներից։
Պատմեք Teleperformance-ում հաճախորդների սպասարկման գերմանախոս մասնագետի հաստիքի մասին։
Teleperformance Armenia ընկերությունը, հանդիսանալով Teleperformance Group-ի անդամ, սպասարկում է գերմանախոս շուկային և հենց դա է պատճառը, որ մենք մշտապես փնտրում ենք նոր գերմանախոսների՝ մեր թիմն էլ ավելի ընդլայնելու համար։ Իհարկե պետք է նշեմ, որ մեր թիմն արդեն ունի 500 աշխատակից։
Մասնագիտական և անձնային ինչպիսի՞ որակներ եք կարևորում այս հաստիքի հավաքագրման գործում։
Հաճախորդների սպասարկման գերմանախոս մասնագետի հաստիքում կարևոր պահանջ է գերմաներենի իմացության բարձր մակարդակը և համակարգչային բազային գիտելիքները։ Հավաքագրման գործընթացքում, իհարկե, շատ ենք կարևորում անձնային որոշակի հատկանիշներ՝ հաղորդակցման հմտություն, սթրեսակայունություն, պատասխանատվություն և ազնվություն։
Անկախ մասնագիտությունից և ազգային պատկանելիությունից մեզ կարող են դիմել 18 տարին լրացած բոլոր այն գերմանախոսները, ովքեր կցանկանան աշխատել Հայաստանից։ Այնպես որ, եթե տիրապետում եք գերմաներենի առնվազն B2 մակարդակի և ուզում եք միանալ մեր թիմին, սիրով կսպասենք ձեր դիմումներին։
Թամարա Բեշիկյան, հավաքագրման թիմի ղեկավար
Գերմաներենի B2 մակարդակից ցածր իմացությամբ մասնագետների մասին Teleperformance Armenia-ում ևս մտածել են։ Ավելին, ունեն բավականին հետաքրքիր նախաձեռնություն, որի մասին մեզ պատմեց անձնակազմիհավաքագրման մասնագետ Տաթևիկ Հովհաննիսյանը։
Ի՞նչ անել, եթե գերմաներենի մակարդակը B2-ից ցածր է։
Բոլոր այն թեկնածուները, որոնց գերմաներենի իմացության մակարդակը B2-ից ցածր է, կարող են դիմել մեր լեզվի ակադեմիայի կողմից կազմակերպվող եռամսյա դասընթացներին։ Նշեմ, որ լեզվի ակադեմիան գործում է շուրջ 2 տարի և ունի շատ մեծ դեր ու նշանակություն մեր հավաքագրման գործընթացում։
Այն բոլոր թեկնածուները, որոնք հաղորդակցվում են գերմաներենով առնվազն B1 մակարդակի, կարող են դիմել մեր ծրագրին, ստանալ հնարավորություն մասնակցելու եռամսյա դասընթացին, որը ֆինանսավորվում է ընկերության կողմից և աջակցություն է այն բոլոր թեկնածուներին, որոնք ցանկանում են ընդգրկվել աշխատանքային հարցազրույցներում։
Ունենք հաջողությամբ ավարտված 44 այդպիսի պատմություն՝ թեկնածուներ, որոնք մեր դասընթացների շրջանակներում լավացրել են լեզվի իմացության իրենց մակարդակը և ընդունվել են մեզ մոտ աշխատանքի։ Արդեն ամիսներ, տարիներ շարունակ նրանք մեր թիմում են։
Վստահ ենք՝ արդեն գիտեք, թե ինչու ընտրել Teleperformance-ին որպես գործատու, բայց կիսվենք նաև Ծովինարի և Վահեի կարծիքով այս հարցի շուրջ։
Ինչո՞ւ Teleperformance։
1. միջազգային փորձ ու բազմամշակութային միջավայր,
2. կարիերայի աճի հնարավորություններ,
3. մասնագիտական հմտությունների զարգացում,
4.մրցակցային վարձատրություն և հավելյալ բոնուսներ,
5.մոդեռն, միջազգային բոլոր չափորոշիչներին համապատասխանող գրասենյակ։
Դե ինչ, ամփոփենք մեր տպավորիչ այցը Teleperformance Armenia և հիշեցնենք, որ հետևեք ընկերության կարիերայի էջին staff.am-ում, որպեսզի առաջինը տեղեկանաք նոր թարմացումների մասին։
