Ավելի քան 28 տարի մեր գործընկերներից INECOBANK-ը հաճախորդների շրջանում հայտնի է իր հաճախորդամետ և սպասարկման բարձր ստանդարտների սահմանմամբ, թվային բանկինգով և բանկային պրոդուկտներով:
Իսկ ովքե՞ր են աշխատում INECOBANK-ում, ի՞նչ կորպորատիվ մշակույթ կա Բանկում և ովքե՞ր են «Ինեկոմարդիկ»։ Այս հարցին լավագույնս պատասխանում է INECOBANK-ի նոր բրենդը՝ InecoPeople-ը, որին էլ հենց անդրադարձել ենք staffmedia.am-ի այս հոդվածում։
Ի՞նչ է InecoPeople-ը
InecoPeople-ը Ինեկոբանկի գործատուի բրենդի ներկայացումն է նորովի։ Ստեղծվել է բոլորովին վերջերս և նպատակն է պատմել ինեկոմարդկանց մասին, ներկայացնել նրանց միավորող արժեքները, թույլ տալ հայտնվել Ինեկոբանկի պատերի ներսում ու բացահայտել իրական Բանկը:
InecoPeople-ի նորաստեղծ սոցիալական հարթակը նախագծվել է երիտասարդների համար։ Էջում լինելու են տարբեր տեսահոլովակներ, ֆոտոշութեր, միջոցառումների լուսաբանումներ, նախագծեր, մրցույթներ, որոնց մասնակից կարող եք լինել և դուք, աշխատակիցների success story-ներ, թիմին միանալու հնարավորություններ, Բանկում ներդրված բենեֆիթներ, «IneCoworkers» և նման այլ խորագրով հրապարակումներ, որոնք պատմելու են, թե ինչպիսին է կյանքը Բանկի ներսում և ովքեր են «Ինեկոմարդիկ»։
InecoPeople-ի առաքելությունը
Ինեկոբանկը միշտ շարժվել է ժամանակին համընթաց՝ ներդնելով նորարարությունն ու թվային լուծումները բանկային պրոդուկտներում։ Ինեկոբանկը միշտ գիտակցել է նաև, որ Բանկում կարևոր արժեքը մարդն է, որը և ստեղծում է այն պատմությունը, հաջողություններն ու մշակույթը, որը ներկայացվում է հանրությանը։
Մարդկանց շնորհիվ է ձևավորվում այն, ինչ հիմա կա Բանկում, և մարդիկ են, որ իրականացնելու են այն բոլոր բարեփոխումները, որ նախատեսվում է առաջիկայում։
InecoPeople բրենդի շնորհիվ՝ փոփոխություն և նորամուծություն ՀՀ աշխատաշուկայում
Այս քայլով Ինեկոբանկը կնպաստի ոլորտի զարգացմանը և կընդգծի գործատուի բրենդավորման ուղղության կարևությունը։
Աշխատաշուկայում սա բերում է նաև մտածողության փոփոխության։
INECOBANK-ն իր առջև դրել է առաքելություն փոխել բանկային համակարգի մասին թյուր պատկերացումներն ու կարծրատիպերը։
Բանկում ևս հետաքրիքր է, իսկ կարիերայի զարգացման տեսանկյունից՝ ճկուն․ հեռանկարային փոփոխությունները, կարիերայի աճը լայն կառուցվածքի շնորհիվ կարող են լինել և՛ ուղղահայաց, և՛ հորիզոնական։
InecoPeople-ի լոգոյի մշակման ընթացքում կազմակերպությունը երեք կարևոր արժեքներ է հաշվի առել․ թիմը, մշակույթը և միշտ դեպի վեր սլացող թիմային նպատակները:
Արդյունքում, «Հաճախորդներ, Անձնակազմ, Գործընկերներ, Բաժնետերեր» խորհրդանշող չորս եռանկյուններից առանձնացվել են մարդիկ՝ Ինեկոմարդիկ։ Եռանկյունը սլանում է դեպի վեր և ստեղծում InecoPeople-ի պատմությունը։
Վերջում, ամփոփենք InecoPeople-ի կարգախոսով․
Այստեղ ԴՈւ՝ ԴՈ՛ւ ես․․․
