Նոր տեխնոլոգիաներ, AI լուծումներ և գործընկերային փորձ․ staff.am-ի բիզնես նախաճաշը

Նոյեմբերի 3-ին տեղի ունեցավ staff.am-ի բիզնես նախաճաշը գործընկերների հետ, որը մեկտեղել էր տարբեր կազմակերպությունների ներկայացուցիչների՝ մասնագիտական շփման, փորձի փոխանակման և նոր հնարավորությունների քննարկման շուրջ։

Հանդիպումը լավ առիթ էր ներկայացնելու staff.am էկոհամակարգի վերջին զարգացումները, գործընկերներին ծանոթացնելու նոր լուծումներին և քննարկելու այն փոփոխությունները, որոնք այսօր ձևավորում են աշխատաշուկան ու մարդկային ռեսուրսների կառավարման ոլորտը։

Օրվա ընթացքում անդրադարձ կատարվեց ինչպես տեխնոլոգիական նորարարություններին և արհեստական բանականության կիրառմանը HR գործընթացներում, այնպես էլ կազմակերպությունների արդյունավետության բարձրացմանն ու աշխատակիցների ուսուցման և զարգացման ժամանակակից մոտեցումներին։

staff.am էկոհամակարգի նորություններն ու AI հնարավորությունները

Հանդիպման ընթացքում ներկայացվեց staff.am էկոհամակարգի վերջին նորություններն ու զարգացման հիմնական ուղղությունները։ Անդրադարձ կատարվեց հարթակի նոր գործիքներին, ծառայություններին և այն հնարավորություններին, որոնց միջոցով staff.am-ը շարունակում է ընդլայնել իր առաջարկը՝ աջակցելով թե՛ աշխատանք փնտրողներին, թե՛ գործատուներին։

Առանձնահատուկ ուշադրություն դարձվեց արհեստական բանականության վրա հիմնված նոր հնարավորություններին։ Մասնակիցները ծանոթացան SIMO-ին՝ staff.am-ի կարիերայի AI օգնականին, որը ստեղծվել է աշխատանք փնտրողներին կարիերայի տարբեր փուլերում աջակցելու համար։ Այն օգնում է օգտատերերին ավելի լավ կողմնորոշվել աշխատանքի որոնման գործընթացում, գնահատել իրենց հնարավորություններն ու կայացնել կարիերային որոշումներ։

AI գործիքների կիրառումը, սակայն, սահմանափակված չէ միայն աշխատանք փնտրողների փորձի բարելավմամբ։ Հանդիպման ընթացքում քննարկվեցին նաև գործատուների համար մշակվող նոր AI հնարավորությունները, որոնք միտված են HR գործընթացների կատարելագործմանը, աշխատանքի կազմակերպման արդյունավետության բարձրացմանն ու տվյալահեն որոշումների կայացմանը։

Այս լուծումների վերաբերյալ ավելի մանրամասն կկիսվենք շատ շուտով՝ բացահայտելով գործատուների համար նախատեսված նոր հնարավորություններն ու դրանց կիրառման ուղղությունները։

Hirebee.ai․ HR կառավարման գործընթացների թվայնացում

HR ոլորտի տեխնոլոգիական զարգացումների և նոր գործիքների քննարկումը շարունակվեց մեր գործընկեր Hirebee.ai-ի HRMS համակարգի շուրջ։

Հանդիպման ընթացքում մասնակիցները ծանոթացան համակարգի հնարավորություններին, որոնք նախատեսված են կազմակերպություններում մարդկային ռեսուրսների կառավարման գործընթացների համակարգման և թվայնացման համար։

Ժամանակակից կազմակերպություններում HR մասնագետների աշխատանքը ներառում է բազմաթիվ փոխկապակցված գործընթացներ՝ աշխատակիցների տվյալների կառավարումից մինչև վարչարարություն և ներքին աշխատանքային ընթացակարգերի կազմակերպում։ Այս գործընթացների միասնական համակարգումը թույլ է տալիս նվազեցնել ձեռքով կատարվող աշխատանքը, բարելավել տեղեկատվության հասանելիությունն ու HR թիմերին ավելի շատ ժամանակ տրամադրել ռազմավարական խնդիրներին։

Համակարգի հնարավորությունների շուրջ ծավալված քննարկումը ևս մեկ առիթ էր անդրադառնալու HR տեխնոլոգիաների դերին և դրանց կիրառման նշանակությանը կազմակերպությունների ամենօրյա գործունեության մեջ։

LMS․ աշխատակիցների ուսուցման և զարգացման ամբողջական հարթակ

Աշխատակիցների զարգացումն ու կազմակերպությունների ներքին գործընթացների կատարելագործումը staff.am-ի առաջարկած լուծումների կարևոր ուղղություններից են։ Այս համատեքստում staff.am-ի LMS (Learning Management System) համակարգը կազմակերպությունների համար նախատեսված ուսուցման և զարգացման ամբողջական հարթակ է, որը հնարավորություն է տալիս մեկ միասնական միջավայրում կազմակերպել, կառավարել և հետևել աշխատակիցների մասնագիտական զարգացման գործընթացներին։

Հարթակի հնարավորությունները ներառում են ոչ միայն ուսուցման ծրագրերի կազմակերպումն ու առաջընթացի գնահատումը, այլև աշխատակիցների հմտությունների զարգացման, կարիքների բացահայտման և կատարողականի կառավարման գործընթացները։

LMS համակարգի կարևոր բաղադրիչներից է Performance Management-ը՝ աշխատակիցների կատարողականի կառավարման և գնահատման համակարգը։ Այս ուղղությամբ staff.am-ը համագործակցում է 5P People կազմակերպության հետ։

Բիզնես նախաճաշի ընթացքում 5P People-ի հիմնադիր և տնօրեն Նազելի Կարախանյանը խոսեց Performance Management-ի իր մշակած ծրագրի, դրա ներդրման առանձնահատկությունների և կազմակերպությունների զարգացման գործում դրա նշանակության մասին։

Նրա խոսքով՝ Performance Management-ը պարզապես աշխատակիցների աշխատանքի պարբերական գնահատում չէ, այլ շարունակական գործընթաց, որը ներառում է կազմակերպության նպատակների հստակեցում, աշխատակիցների անհատական նպատակների սահմանում, արդյունքների դիտարկում, հետադարձ կապի ապահովում և զարգացման հնարավորությունների բացահայտում։

Կատարողականի կառավարման արդյունավետ համակարգը թույլ է տալիս աշխատակիցների անհատական նպատակներն ու արդյունքները կապել կազմակերպության ռազմավարական ուղղությունների հետ՝ նպաստելով ինչպես աշխատակիցների մասնագիտական աճին, այնպես էլ թիմերի և ամբողջ կազմակերպության արդյունավետության բարձրացմանը։

Գործընկերային համագործակցություն՝ նոր հնարավորությունների հիմքում

staff.am-ի բիզնես նախաճաշը ևս մեկ անգամ ընդգծեց մասնագիտական համայնքի և գործընկերային համագործակցության կարևորությունը։ Նոր տեխնոլոգիաների, HR լուծումների և ոլորտի մասնագետների փորձի փոխանակումը հնարավորություն տվեց տարբեր տեսանկյուններից դիտարկելու HR ոլորտի ընթացիկ զարգացումներն ու առաջիկա հնարավորությունները։

Աշխատաշուկան և բիզնես միջավայրը շարունակաբար փոխվում են, իսկ այդ փոփոխություններին համահունչ զարգանալու համար կարևոր են ոչ միայն նոր գործիքներն ու տեխնոլոգիաները, այլև գիտելիքի փոխանակումն ու համատեղ նախաձեռնությունները։

Շնորհակալ ենք մեր գործընկերներին մասնակցության, ակտիվ ներգրավվածության և արժեքավոր քննարկումների համար։ Շարունակելու ենք ստեղծել նման հարթակներ, որտեղ նոր գաղափարները, փորձն ու համագործակցությունը վերածվում են զարգացման նոր հնարավորությունների։

staff_am_facebook_29_1080x1080 (2)
staff_am_facebook_28_1080x1080 (1)
staff_am_facebook_14_1080x1080 (1)
business_breakfast_11_facebook_1080x1080
business_breakfast_07_facebook_1080x1080
staff_am_facebook_08_1080x1080 (1)
staff_am_facebook_06_1080x1080 (1)
staff_am_facebook_04_1080x1080 (1)
preview (13) (2)
preview (15) (2)