staffmedia.am-ի գործընկերների հաջողությունների մասին պատմող շարքում այսօր առանձնահատուկ հպարտությամբ ենք անդրադառնում Թումո ստեղծարար տեխնոլոգիաների կենտրոնին։ Հայկական կրթական բրենդը, որը վաղուց արդեն դուրս է եկել երկրի սահմաններից, իր հերթական հաստատուն քայլն է կատարել Միջին Ասիայում. Ղազախստանի մայրաքաղաք Աստանայում պաշտոնապես բացվել է առաջին Թումո կենտրոնը։

Այս նշանակալի իրադարձությունը տեղի ունեցավ alem.ai արհեստական բանականության միջազգային կենտրոնի հետ համագործակցությամբ։ Բացման հանդիսավոր արարողությունն իրենց ներկայությամբ պատվել էին Ղազախստանի նախագահ Կասիմ-Ժոմարտ Տոկաևը և Ղազախստանում Հայաստանի դեսպան Արմեն Ղևոնդյանը, ինչը ևս մեկ անգամ փաստում է Թումոյի կրթական մոդելի նկատմամբ առկա մեծ վստահության և միջազգային բարձր հեղինակության մասին։

Թումո Աստանան իր տեսակի մեջ եզակի է նաև տեղակայման վայրով։ Այն գտնվում է alem.ai-ի յուրահատուկ ապակե շենքում, որը 80 մետր տրամագծով և 100 մետր բարձրությամբ աշխարհի ամենամեծ գնդաձև կառույցն է։ Այս նորարարական միջավայրում կենտրոնն ամեն շաբաթ կընդունի շուրջ 6,000 ուսանողի, որոնք հնարավորություն կունենան յուրացնելու ժամանակակից աշխարհի ամենապահանջված ուղղությունները՝ ծրագրավորումից ու գեներատիվ AI-ից մինչև ռոբոտաշինություն, 3D մոդելավորում և խաղերի ստեղծում։

Ղազախ պատանիները հնարավորություն կունենան յուրացնելու ապագայի ամենապահանջված մասնագիտությունները։ Կրթական ծրագիրը ներառում է 11 հիմնական ուղղություն.

Բարի գալուստ «Թումոեզերք», Ղազախստա՛ն։ staffmedia.am թիմը սրտանց շնորհավորում է իր գործընկերոջը այս տպավորիչ հաջողության կապակցությամբ։ Հայկական մտավոր ներուժի այսօրինակ տարածումն աշխարհում լավագույն ապացույցն է, որ նորարարությունն ու որակյալ կրթությունը սահմաններ չեն ճանաչում։ Այսօրինակ կենտրոնների ստեղծումը ոչ միայն փոխում է պատանիների կյանքը, այլև ձևավորում է տեխնոլոգիական կրթության նոր չափանիշներ՝ ողջ աշխարհում ստեղծելով բացառիկ հարթակ լավագույն մասնագետների ինքնադրսևորման և մասնագիտական աճի համար։

Միացե՛ք Թումոյի դինամիկ թիմին և մասնակցեք տեխնոլոգիական կրթության տարածմանը։ Թափուր հաստիքներին և աշխատանքային հնարավորություններին ծանոթացեք staff.am հարթակում։