Հայաստանում պարզության դեսպանը՝ EasyPay ընկերությունը, հիմնադրվել է դեռ 2014թ․-ին։ Անցնելով բավականին բարդ ճանապարհ՝ այժմ համարվում է շուկայի առաջատար ֆինտեխ համակարգերից։ Ունի երկու դոմինանտ պրոդուկտ՝ EasyPay վճարային տերմինալներ և easywallet օնլայն դրամապանակ։ Ամեն ինչ իզի է նրանց մոտ։
Այս հոդվածում փորձել ենք մի փոքր այլ կողմից ծանոթանալ ընկերությանը և ձեզ ներկայացնել Իզիի ներքին խոհանոցից 10 փաստ։ Դե ինչ, սկսենք «բամբասանքը»։
Փաստ #1
Ընկերությունում կին աշխատակիցները կազմում են ընդհանուր թիմի 51%-ը։ Բայց միշտ չի եղել այդպես։ Օրինակ՝ հիմնադրման տարում ունեցել են ընդամենը երկու կին աշխատակից, իսկ այժմ այդ թիվը հասել է 127-ի։
Փաստ #2
Հիերարխիկ կառուցվածքը ծառայում է միայն պատասխանատվության չափաբաժնի որոշման և գործընթացները համակարգելու համար։ Հավասարությունն ու հարգանքն առաջնային են։
Փաստ #3
Այստեղ խրախուսում են ընդմիջումներ անելը աշխատանքային ժամերին, որովհետև հավատացած են, որ աշխատանքային գործընթացներն առավել արդյունավետ են նաև ճիշտ ժամանակին կարճ ընդմիջումներ անելու շնորհիվ։
Փաստ #4
4-րդ փաստը հազվադեպ հանդիպող բացահայտում էր մեզ համար։ Իզիի կորպորատիվ մշակույթի անբաժանելի մասն է հարգանքը դեպի մրցակիցներ։ Սա բացատրում են նրանով, որ մրցակցությունը պետք չէ խառնել մրցավազքի հետ։ Նրանց համար մրցակցությունը միասնական ուժերով ոլորտը տարբեր ուղղություններով զարգացնելն է։
Փաստ #5
Լավագույն ներդրումը ներդրումն է թիմի անդամների զարգացման գործում։ Նման ներդրումները խթանում են ամբողջ ընկերության աճը։
Փաստ #6
ԿՍՊ (կորպորատիվ սոցիալական պատասխանատվության) արշավների շրջանակներում որդեգրել են մի քաղաքականություն, ըստ որի՝ շեշտ է դրվում ոչ թե գործողությունների հանրայնացման, այլ դրանք մաքսիմալ արդյունավետ դարձնելու վրա։ Դրա համար, երբ հարցրինք՝ ինչ արշավներ եք արել ու անում, մեզ խնդրեցին ևս մեկ անգամ կարդալ փաստ #6-ը։
Փաստ #7
Մի կարևոր բան նշեցին զրույցի ժամանակ, ինչը շատ լավ բնութագրում է ընկերության պարզությունն ու թափանցիկությունը։ Ասացին՝ հաճախ են լինում բուռն աշխատանքային քննարկումներ, որոնք միշտ լուծվում են նրա շնորհիվ, որ ամեն ինչ կոմունիկացվում է ուղիղ ու մաքսիմալ կառուցողական։ Նման իրավիճակների լուծումը անկեղծությունն ու ընկերության ընդհանուր շահը մտքում պահելով առաջնորդվելն է։
Փաստ #8
Պարզվեց, որ ֆինանսական ոլորտում ամենաշատ վճարատեսակները հենց նրանց մոտ է։ Թիվն արդեն մոտենում է 900-ին։ Թե ասա՝ էդքան ինչ վճարում կա էս փոքր երկրում, բայց ցույց տվեցին, մեր աչքով տեսանք, որ արդար է, ժողովուրդ։
Փաստ #9
Հանդիպման ժամանակ մեզ ներկայացրին իրենց բրենդ պլատֆորմը, որը, ցավոք, կոնֆիդենցիալ տեղեկություն է։ Սակայն EasyPay-ի թիմի թույլտվությամբ ձեզ հետ ուզում ենք կիսել նրանց փիլիսոփայության հատվածը՝ առանց մեկնաբանությունների․
«Ժամանակակից աշխարհը արագ է զարգանում, իսկ դրա ռիթﬕն հարմարվելը երբեﬓ թվում է անհնարին։ Աﬔնօրյա հոգսերի ու առօրյա անցուդարձի ժամանակ ﬔնք մոռանում ենք ինքներս ﬔզ: Մենք առաջարկում ենք ընտրել պարզ ֆինանսական օգնականի, որը կխնայի ձեր՝ այդքան կարևոր ժամանակը։ EasyPay-ում ﬔնք վստահ ենք, որ անհրաժեշտ է ավելի շատ կենտրոնանալ ինքնազարգացման և մտերիﬓերի հետ ժամանակ անցկացնելու վրա։ Եկեք ﬕասին սկսենք նման իրականություն բերելու ճանապարհորդությունը, չէ՞ որ դա պարզ է»:
Փաստ #10
Երբ հարցրինք, թե ինչպես կբնութագրեք ձեր կորպորատիվ մշակույթը մեկ նախադասությամբ, ասացին հետևյալը․ թիմի բնականոն զարգացման գրավականը ֆորմալ և ոչ ֆորմալ հարաբերությունների բալանսը գտնելու մեջ է, որովհետև խոսքը գնում է մարդկանց մասին ու ոչ հաստիքների կամ պաշտոնների մասին։
Դե ինչ, մեզ մնում է ասել՝ ապրիր պարզ, ինչպես Իզիում են անում։
