staff.am գործատու ընկերություններից Digitain-ը, որը մշակում և մատուցում է առցանց և իրական խաղային ոլորտում ծրագրային լուծումներ, հրապարակեց իր նոր ամբիցիոզ և տարածաշրջանում խոշորամասշտաբ ԴիջիՔաղաք նախագիծը, որը կարծում ենք ձեզ շատ կհետաքրքրի։
Նախագիծը ներկայացվեց Համաշխարհային ՏՏ համաժողովի (WCIT2019) ժամանակ, որի բրոնզե հովանավորն էր հանդիսանում Digitain-ը։
Մոտ երեք հազար հոգու համար նախատեսված ԴիջիՔաղաքը կլինի որպես հարթակ, աքսելերատոր և ինկուբատոր՝ նպատակ ունենալով նպաստել Հայաստանում սթարտափ էկոհամակարգի և տեխնոլոգիական նորարարությունների զարգացմանը։ Այն աշխատանքային տարածք կտրամադրի այն մարդկանց, ովքեր ունեն շատ լավ գաղափարներ թե՛ սփյուռքում, թե՛ Հայաստանում, բայց չունեն համապատասխան ռեսուրսներ այդ գաղափարներն իրագործելու համար։
ԴիջիՔաղաքը նաև նախատեսված է այն գործող կազմակերպությունների համար, որոնք մեր տարածաշրջանում զարգացման մեծ նպատակներ ունեն։
Աշխատանքային տարածքներն առաջին տարին կտրամադրվեն բոլորովին անվճար։
Նշենք, որ Digitain-ի ողջ անձնակազմը իր 1500 աշխատակիցներով մինչև 2020թ․ մարտ արդեն կտեղափոխվի Իսակովի պողոտայում գտնվող նոր շենք, որի հարևանությամբ էլ երեք տարվա ընթացքում կկառուցվի ԴիջիՔաղաքը։
