staff.am կարիերայի հարթակի ներկայացուցիչներին այս անգամ հյուրընկալեցին LOFT HR ԱԿՈՒՄԲ-ում, որի հերթական հանդիպումը տեղի ունեցավ մարտի 2-ին։ Հանդիպմանը մասնակցում էին ինչպես նորավարտներ, որոնք առաջին քայլերն էին կատարում աշխատաշուկայում, այնպես էլ իրենց կարիերայի առաջխաղացմամբ մոտիվացված երիտասարդներ։
Լոֆթ HR ակումբը ծառայում է երկու նպատակի՝ ամրացնել Հայաստանի ՄՌ կառավարման ոլորտը, և ձևավորել աշխատանքի դիմելու ճիշտ և գրագետ մշակույթ։ Ակումբը հիմնականում հանդես է գալիս պրակտիկ դասընթացների ֆորմատով և կարճաժամկետ ծրագրերով։
Ակտիվորեն քննարկվեցին այն գործիքների մասին, որոնք այսօր յուրաքանչյուրին թույլ են տալիս հավասար պայմաններում մրցակցել թափուր աշխատատեղերի համար։ Մասնավորապես․
- Ինչպես կազմել ճիշտ կառուցվածքով ռեզումե,
- Ուղեկցող նամակ (Cover Letter) կազմելու հիմնական սկզբունքները,
- Ինչպես ճիշտ հաղորդակցվել Գործատուի հետ աշխատանքային հարցազրույցի տարբեր փուլերում,
- Եվ թե ինչպես օգտագործել սոց․ մեդիան՝ որպես սեփական բրենդի ստեղծման գործիք։
Հանդիպման մասնակիցներին ներկայացվեց նաև staff.am կարիերայի նոր հարթակն իր բոլոր առանձնահատկություններով և առավելություններով։ Հատկապես մեծ ուշադրություն դարձվեց կայքի կառուցվածքին, Գործատուների պահանջներին համապատասխան staff.am Անձնական էջ ստեղծելու և թափուր աշխատատեղերին դիմելու գործիքներին։
staff.am-ը լիովին նոր աշխատանքային հարթակ է Հայաստանում, որի միջոցով Գործատու ընկերությունները գտնում են տաղանդավոր աշխատակից, իսկ աշխատանք փնտրողները՝ սիրելի աշխատանք։
Իսկ հանդիպման ավարտին ներկայացվեց կարիերայի ոլորտում N1 բլոգը Հայաստանում՝ StaffBlog-ը և Մարդկային ռեսուրսների կառավարման մասնագետ Անի Մարգարյանի հոդվածները, որոնք օգտակար ուղեցույց են հանդիսանում աշխատանք փնտրողների համար։ Մանրամասն կարող եք ծանոթանալ այստեղ՝
- Առաջին քայլերն աշխատաշուկայում․ ինչի՞ց սկսել սեփական բրենդի կառուցումը
- Ուղեկցող նամակ – Cover Letter
- Սոց. ցանցեր – Դուք որպես թեկնածու
- Ռեզումե – Օգտակար խորհուրդներ
- Հարցազրույց | Դու՝ որպես թեկնածու
Շնորհակալություն ենք հայտնում LOFT HR ԱԿՈՒՄԲ-ի կազմակերպիչներին, բոլոր մասնակիցներին, ովքեր իրենց մասնակցությամբ հանդիպումը դարձրեցին էլ ավելի հետաքրքիր և արդյունավետ։
Մաղթում ենք հաջողություն Ձեր կարիերայում, կհանդիպենք շուտով staff.am առաջիկա միջոցառումների ընթացքում։
