Մեկնարկում է Պետական եկամուտների կոմիտեի նոր չափանիշներով հարկային ծառայողներ պատրաստելու դասընթացների շարքը: Հավակնոտ ես, մոտիվացված, պատրաստակա՞մ: ՊԵԿ-ը հրավիրում է քեզ ու քեզ նման բանիմաց ու ջանասեր մարդկանց՝ մուտք գործելու հարկային ծառայության հետաքրքիր ու պատասխանատու ոլորտ:
staffmedia.am -ում ներկայացնում ենք հարկային ծառայող դառնալու Ձեր ճանապարհը:
Նորօրյա հարկային ծառայողը՝ համահունչ արդի բարեփոխումներին
Պետական եկամուտների կոմիտեն անընդհատ վերանայում ու բարեփոխում է հարկային ու մաքսային ծառայողի գործելաոճը, շարժվում է թվային ու նորօրյա խնդիրներին համահունչ ու տալիս նորարար լուծումներ՝ ի բարօրություն հասարակության ու պետության: Հարկային ծառայության աշխատանքը պահանջում է ունենալ պատասխանատու և մասնագիտական խորքային գիտելիքներ և հմտություններ: Այս կապակցությամբ ՊԵԿ-ը կազմակերպում է նոր չափանիշներով հարկային ծառայողներ պատրաստելու աննախադեպ դասընթացների շարք:
Ի՞նչ է տալիս դասընթացը.
Դասընթացը հաջողությամբ ավարտած մասնակիցները կստանան հավաստագիր և աշխատելու հնարավորություն հարկային ծառայությունում:
«ՊԵԿ֊ի հանդեպ տնտեսվարողների վստահության մակարդակի բարձրացման հարցում կարևորում եմ հարկային ոլորտում մատուցվող պետական ծառայությունների հասանելիության և որակի շարունակական բարձրացումը»։
ՊԵԿ նախագահ Ռուստամ Բադասյան
Ո՞վ ու ի՞նչ ընթացակարգով պետք է դիմի:
Դասընթացի ընդունելությանը կարող են մասնակցել հայերենին տիրապետող, 18 տարին լրացած, բարձրագույն կրթություն ունեցող ՀՀ այն քաղաքացիները, ովքեր ունեն համապատասխան մասնագիտություն հարկային ծառայության պաշտոնի նշանակվելու համար: Մասնագիտությունների ցանկը հստակեցնելու համար ծանոթացեք այստեղ:
Դասընթացների ընդունելությանը մասնակցելու համար նախ պետք է ներկայացնել առցանց դիմում՝ կցելով հայտարարության մեջ նշված փաստաթղթերն էլեկտրոնային եղանակով:
Դասընթացի ձևաչափը.
ՊԵԿ-ը հնարավորություն է տալիս ապագա հարկային ծառայողներին դասընթացն ու առնչվող թեստավորումներն անցնել անվճար՝ ՀՀ ՊԵԿ Ուսումնական կենտրոնի կողմից:
Ի՞նչ պետք է իմանա ժամանակակից հարկային ծառայողը:
Օտար եզվի, համակարգչային, մասնագիտական գիտելիքները, բարեվարքության վերաբերյալ ունեցած պատկերացումները ստուգվում են արդեն իսկ դասընթացի ընդունելության ժամանակ: Վերջում հարկային ծառայող դառնալու պատրաստակամ թեկնածուներն անցնում են հարցազրույց: Ընդունելության ընթացակարգի մանրամասներին կարող եք ծանոթանալ հայտարարության մեջ:
Հանրային ծառայության առանցքում պետությանն ու հասարակությանը անձնվեր ու արժանապատիվ ծառայությունն է:
staffmedia.am-ը ողջունում է ՊԵԿ-ի նախաձեռնությունը՝ կազմակերպելու թափանցիկ ու անկողմնակալ բաց ընդունելություն: Վստահաբար, այս դասընթացին ընդունվելու են գիտելիքներով ու համապատասխան հմտություններով, անընդհատ կատարելագործվելու պատրաստակամ մասնագետներ, և մեր երկիրն ունենալու է բանիմաց, հմուտ ու մարդկային բարձր հատկանիշներով օժտված հանրային ծառայողներ:
