Նոյեմբերի 30-ին՝ ժամը 14:00-ին FoodPark by DownTown-ում կանցկացվի IT Intellectual Cup ամենամյա առաջնությունը։ Այն նպատակ ունի ինտելեկտուալ շփման միջավայր ձևավորել ՏՏ ընկերությունների աշխատակիցների միջև։
Առաջնությունն անցկացվելու է սպորտային «Ի՞նչ, որտե՞ղ, ե՞րբ» խաղի ձևաչափով։ Թիմերը կարող են ունենալ 4-8 մասնակից խաղացող։ Մրցանակակիրները կպարգևատրվեն գավաթով, մեդալներով և անակնկալ նվերներով։
Առաջնության ողջ հասույթը փոխանցվելու է «Ազատազէն» կրթական հասարակական կազմակերպությանը։
Առաջնությունը կազմակերպվում է zealous™ ընկերության ջանքերով, իսկ գլխավոր հովանավորն է LayerSwap ընկերությունը։ Առաջնության գործընկերներն են Գիտակների հայկական ասոցիացիան, Առաջատար տեխնոլոգիաների ձեռնարկությունների միությունը և Վեբ երեք զարգացման հիմնադրամը։ Առաջնության ինֆորմացիոն գործընկերներն են White Rabbit Creative և staff.am ընկերությունները։
Մասնակցության պայմաններին և խաղի կանոններին կարող եք ծանոթանալ այստեղ։
Գրանցման վերջնաժամկետը նոյեմբերի 15-ն է։
IT Intellectual Cup 2023-ի ամփոփիչ տեսահոլովակը կարող եք դիտել այստեղ։
Առաջնության հետ կապված նորությունները բաց չթողնելու համար հետևեք IT Intellectual Cup-ի ֆեյսբուքյան էջին։
