staff.am-ը պարբերաբար այցելում է իր բազմաթիվ գործընկերների գրասենյակներ՝ տեղում ծանոթանալու նրանց թիմերին և բացահայտելու ընկերությունների մշակույթն ու արժեքները։Իսկ ինչպե՞ս կարելի է լավագույնս բացահայտել արժեքները, եթե ոչ մարդկանց միջոցով, չէ՞ որ յուրաքանչյուր կազմակերպության, դրա բոլոր հաջողությունների և ձեռքբերումների հետևում մարդիկ են։Մեր հերթական այցերից մեկի ընթացքում մենք բացահայտեցինք ITHire ընկերության թիմը՝ շատ ուրախ, բազմազան և յուրահատուկ։
ITHire-ը մոտ 200 աշխատակից ունի՝ բաժանված տարբեր թիմերի։
Պրոդուկտի թիմը, օրինակ, համեմատաբար նոր է ձևավորվել և դեռ ամենասակավամարդն է, բայց մեծ պլաններ ու պոտենցիալ ունի։
Իսկ սա պրոդուկտի թիմի ամենափափուկ անդամն է՝ Մկոն։ Ինչպես պատմեցին աշխատակիցները, Մկոն շատ աշխատասեր է, սակայն շուտ է հոգնում և ցերեկային ժամերին, հիմնականում, քնած է։
Քանի որ ընկերությունը շատ է կարևորում իր աշխատակիցների միջև անմիջական և անկաշկանդ շփումը, խրախուսվում են տարբեր թիմերի այցերը միմյանց ու միասին հետաքրքիր ժամանցի անցկացումը։
Ի դեպ, ընկերության վաճառքի թիմում կան նաև աշխատակիցներ, որոնք տեղափոխվել են Հայաստան այլ երկրներից և իրենց մասնագիտական ուղին որոշել են կառուցել հենց ITHire-ում։
Ընկերությունը նաև բաց է երիտասարդ մասնագետների համար, անգամ՝ անչափահաս։ ITHire-ում կան թե՛ 17 տարեկան մասնագետներ, թե՛ ուսանողներ։ Երիտասարդ կադրերի ներգրավումը ընկերությունում ողջունվում է, և արվում է ամեն ինչ՝ նպաստելու նրանց մասնագիտական աճին։
Չնայած IThire-ի թիմը փոքր չէ, և գուցե ոչ բոլորն են իրար շատ լավ ճանաչում, սակայն մթնոլորտը ջերմ և ընտանեկան է։
Պրոդուկտիվ աշխատանքային օրվա կարևոր բաղկացուցիչն է լանչը։ ITHire-ում ևս կարևորում են համեղ ուտելը։ Թիմակիցների խոսքով՝ ընկերությունում համեղ սնվելը յուրահատուկ մշակույթ է և լանչի ընտրության քննարկումներն անցնում են շատ թեժ մթնոլորտում։
Իսկ աշխատանքից դուրս կազմակերպում են ուրախ միջոցառումներ, կինոդիտումներ, այցելություններ տարբեր վայրեր, որպեսզի էլ ավելի լավ ճանաչեն իրար։
Գրասենյակում կան բազմաթիվ ժամանցային խաղեր, այդ թվում նաև PlayStation, ինչը լավ հնարավորություն է ընդմիջման ժամին ցրվելու աշխատանքային առօրյայից և լիցքավորվելու նոր էներգիայով՝ է՛լ ավելի եռանդով ու բարձր տրամադրությամբ աշխատելու համար։
ITHire-ում նաև կարևորում են բարեգործությունը։ Այդ նպատակով, վաճառքի թիմում անգամ ունեն «Բարի գործ» տուփիկ, որը հրաշքներ է գործում։ Օրինակ, այս Ամանորին, տուփիկում ITHire-ի թիմակիցներն գումար հավաքեցին, որը փոխանցեցին գրասենյակի մաքրության համար պատասխանատու աշխատակցուհուն՝ իրենց երախտիքը հայտնելով նրան։ Դա մեծ անակնկալ էր աշխատակցուհու համար, իսկ թիմակիցները որոշել են, որ բարի գործերը պետք է շարունակական բնույթ կրեն, ուստի այս տարի ինչ-որ մեկին ևս ամանորյա հրաշք է սպասում ITHire-ի կողմից։
ITHire-ի մեծ թիմն ակտիվորեն ընդլայնվում է, այս տարի նրանք գրասենյակ բացեցին նաև Գյումրիում, իսկ Երևանյան գրասենյակը կբացվի մինչև տարեվերջ, թիմը պլանավորում է տեղափոխվել նոր՝ ավելի մեծ գրասենյակ, որն այժմ կառուցման փուլում է։
Իսկ մենք մաղթում ենք ITHire-ի նորանոր նվաճումներ և հուսով ենք, որ շուտով հնարավորություն կունենանք ներկայացնելու նրանց ընկերության նոր գրասենյակը։
