Եվս մեկ MentorPlay, ևս մեկ հաջողված միջոցառում այս անգամ պրոդուկտ համայնքի զարգացմանն ուղղված։
MentorPlay միջոցառումների շարքը staff.am-ի կորպորատիվ սոցիալական պատասխանատվության ծրագրերից է, որն իրականացնում ենք Yandex Hall-ի հետ համատեղ, և ուղղված է Հայաստանում տարբեր մասնագիտական համայնքների զարգացմանը։
Հերթական MentorPlay-ը նվիրված էր պրոդուկտի կառավարման ոլորտին։ Վերհիշելով նոյեմբերի 1-ը՝ օրը պարզապես կարող ենք բնութագրել որպես պրակտիկ փորձի և գիտելիքների ձեռք բերման արդյունավետ փորձառություն։ Yandex Hall-ի հյուրընկալ սրահը դարձել էր կենդանի փորձառության հարթակ. այստեղ յուրաքանչյուր գաղափար, նույնիսկ ամենափոքր դիտարկումը, անմիջապես կարող էր վերածվել քննարկման, նոր մոտեցման կամ լուծման։
MentorPlay | Product Edition-ը մեկնարկեց staff.am համահիմնադիր և տնօրեն Լուիզա Ավետիսյանի ջերմ ողջույնի խոսքով․
Ուրախ եմ ձեզ ողջունել MentorPlay | Product Edition-ին։ Ցանկանում եմ շնորհակալություն հայտնել մեր մասնակիցներին, որոնք այս գեղեցիկ աշնանային շաբաթ առավոտը որոշել են անցկացնել նոր գիտելիքների ձեռք բերման և նոր հետաքրքիր մարդկանց ու իրենց ոլորտի առաջատարներին հանդիպելու համար։
Լուիզան իր ողջույնի խոսքում առանձնահատուկ շնորհակալություն հայտնեց նաև միջոցառման գործընկերներին, որոնք աջակցել են միջոցառման կայացմանը․
ONEX -ը Հայաստանի առաջատար օնլայն գնումների արագ առաքման ծառայություններից է, որը հիմնադրվել է 2015 թվականին և արդեն տասը տարի առաջատար դիրքեր է պահպանում ոլորտում՝ սպասարկելով օնլայն գնումների Հայաստան առաքվող ամբողջ ծավալի մոտ 58%-ը։
Moossah Wines-ը հայկական գինեգործության ոլորտում առանձնանում է իր հստակ տեսլականով՝ համադրելով ընտանեկան ավանդույթները և ժամանակակից մոտեցումները։ Ապրանքանիշի նպատակն է պահպանել հայկական գինեգործության մշակութային ժառանգությունը և ներկայացնել այն միջազգային հարթակներում։
Dexatel -ը նորարարական և վստահելի տեխնոլոգիական ընկերություն է, որը հնարավորություն է տալիս բիզնեսներին ստեղծել նպատակային, անհատականացված և արդյունավետ հաղորդակցություն իրենց հաճախորդների հետ։ Dexatel-ն առաջարկում է առաջատար հաղորդակցման API-ներ և լուծումներ, որոնք ընդգծում են ընկերության նվիրվածությունը նորարարությանը և հաճախորդակենտրոն զարգացմանը։ Ընկերությունն առաջարկում է հետևյալ հիմնական պրոդուկտները՝ Dexatel Verify, Dexatel Engage, Dexatel Lookup, Dexatel Link։
Picsart-ը աշխարհի ամենամեծ թվային ստեղծագործական հարթակներից է, որն իր AI-ով կառավարվող գործիքներով հնարավորություն է տալիս ցանկացած մակարդակի ստեղծագործողների նախագծել, խմբագրել, նկարել և կիսվել բովանդակությամբ՝ լուսանկարներով ու տեսանյութերով։ Բացի անհատական օգտագործումից, Picsart for Business ծրագիրը հնարավորություն է տալիս ընկերություններին օգտվելու աշխարհի առաջատար վիզուալ գործիքներից՝ բրենդային բովանդակության ստեղծման և կառավարման համար։
Միջոցառման առաջին հատվածը մեկնարկեցինք «Not another PM panel. Hard truths and fresh perspectives» պանելային քննարկմամբ։
Պանելային քննարկման ընթացքում հնարավորություն ունեցանք լսելու ոլորտի այնպիսի առաջատար մասնագետների ինչպիսիք են՝ Picsart ընկերության Principal Product manager՝ Նարեկ Հայրապետյանը, SuperAPP Yandex Go-ի պրոդուկտի ղեկավար՝ Տիգրան Վարդանյանը և Product People Armenia-ի և ACA MENA-ի համահիմնադիր՝ Արմեն Գրիգորյանը։ Մեր խոսնակները կիսվեցին բազմաթիվ արժեքավոր մտքերով, որոնցից մի քանիսով պարզապես չկիսվել չենք կարող․
Պրոդուկտ մենեջերը ազդեցության միջոցով է կառավարում։ Այսպիսի մի հետաքրքիր միտք կա, որ սենյակում ամենամեծ արժեքն ունի որ թե այն մարդը, ով ամենաբարձրն է խոսում, այլ այն մարդը ով ամենացածրն է խոսում։ Իսկ պրոդուկտի կառավարումը հենց այնպիսի մասնագիտացում է, որ մասնագետը կհաջողի եթե մերիտոկրատիկ միջավայրում է, այսինքն այնպիսի միջավայոր որտեղ ճիշտ միտքն է հաղթում և ոչ պաշտոնը։
Նարեկ Հայրապետյան
Ցանկացած ոլորտում ամենալավ մանագետը այն մասնագետն է, որն իր պրոդուկտի փորձագետն է։
Արմեն Գրիգորյան
Որքան էլ զարմանալի կհնչի, պրոդուկտի կառավարման ոլորտում շատ կարևոր է ապրումակցումը, քանի որ միայն այս ճանապարհով է կարելի հասականալ և բացահայտել օգտատիրոջ իրական կարիքները։
Տիգրան Վարդանյան
Այս հատվածում մասնակիցները ոչ միայն լսում էին, այլև ակտիվորեն մասնակցում՝ մասնագետներին ուղղելով իրենց հարցերը։
Պանելային քննարկմանը հաջորդեց ակտիվ նեթվորքինգ, որը լավագույն հնարավորությունն էր պրոդուկտ համայնքի ներկայացուցիչների համար միմյանց հետ ծանոթանալու, նոր կապեր հաստատելու, ինչպես նաև մասնագիտական քննարկումների համար։
Իսկ միջոցառման ամենադինամիկ ու պրակտիկ մասը դեռ առջևում էր։ Միջոցառման առանցքում speed mentoring-ի յուրահատուկ ձևաչափն էր։ Յուրաքանչյուր մասնակցի համար այս հատվածը թույլ տվեց անմիջապես կիսվել կոնկրետ հարցերով և մարտահրավերներով փորձառու մենթորների հետ: Յուրաքանչյուր մասնակից ուներ 15 րոպե՝ խոսելու կոնկրետ, իրական խնդիրների մասին։ Այս ձևաչափը թույլ տվեց արագ գտնել լուծումներ, ստանալ պրոֆեսիոնալ խորհուրդներ և հեռանալ ոչ թե հարցերով, այլ՝ գործողությունների հստակ քայլերով։
Մասնակիցները հնարավորություն ունեցան իրենց մասնագիտական հարցերի պատասխանները ստանալու այնպիսի փորձառու մասնագետներից, ինչպիսիք են․
Արմեն Գրիգորյան՝ Product People Armenia-ի և ACA MENA-ի համահիմնադիր
Կարինե Ավետիսյան՝ Expedia Group-ի ավագ պրոդուկտ մենեջեր
Տիգրան Հակոբյան՝ Onex Group-ի պրոդուկտի ղեկավար
Տիգրան Վարդանյան` SuperAPP Yandex Go-ի պրոդուկտի ղեկավար
Շահե Մասոեան Dexatel-ի Scrum Master և Backend Tech Lead
Արթուր Կարապետյան՝ Yesim-ի Ռազմավարության և զարգացման տնօրեն
Սոնա Թովմասյան՝ Adobe-ի ավագ UX դիզայներ
Ստեփան Սմբատյան՝ Principal Product Manager
Ալեքսանդր Հովհաննիսյան՝ Krisp-ի ավագ պրոդուկտ դիզայներ
Նարեկ Հայրապետյան՝ Picsart-ի Principal Product Manager
Յուրաքանչյուր հանդիպման ընթացքում զգացվում էր այն ինտենսիվությունը, որը բնորոշ է հենց պրոդուկտային աշխուժ աշխատանքային միջավայրին։ Միջոցառման ավարտին մասնակիցները հեռացան ոչ միայն նոր գիտելիքներով, այլև հստակ պատկերացում ունեին, թե ինչ քայլեր պետք է ձեռնարկեն հաջորդ օրը իրենց թիմերում: Նրանք լիցքավորված էին էներգիայով, պատրաստ միավորելու տեսական գիտելիքը սեփական փորձի հետ և անմիջապես կիրառելու այն:
MentorPlay | Product Edition-ը ավարտվեց, բայց վստահ ենք որ քննարկումները կշարունակվեն մասնակիցներից յուրաքանչյուրի աշխատանքային թիմում։
Իսկ մենք կիսվում ենք MentorPlay | Product Edition-ի հոլովակով և հավատացած ենք, որ շուտով կհանդիպենք հաջորդ MentorPlay-ի շրջանակում։
