2022 թվականին Հայաստանի տեխնոլոգիական քարտեզին հայտնվեց ևս մեկ խոշոր միջազգային ընկերություն՝ Miro-ն։ Ընկերությունը գրասենյակ բացեց Երևանում և սկսեց ակտիվորեն ինտեգրվել հայկական միջավայրին՝ կիսվելով նաև իր մշակույթով։
Miro-ի մասին շատերն են լսել ու գիտեն, որ այն հարթակ է գրասենյակային աշխատակիցների համատեղ աշխատանքի համար և ունի միլիոնավոր օգտատերեր ողջ աշխարհում։ Miro-ն իսկապես գլոբալ է. ունի ավելի քան 35 միլիոն օգտատեր ամբողջ աշխարհում, 12 գրասենյակ տարբեր երկրներում և ավելի քան 1700 աշխատակից:
staff.am-ը ներկայացնում է 5 կարևոր, հետաքրքիր ու զարմանալի փաստ Miro-ի մասին, որպեսզի դուք էլ ավելի շատ բան իմանաք հայկական շուկայում հայտնված խոշոր ընկերության մասին։ Եվ այսպես, գնացի՜նք․․․
ՓԱՍՏ 1. MIRO-Ն ԱՆՎԱՆՎԵԼ Է ԻՍՊԱՆԱՑԻ ՆԿԱՐԻՉ ԺՈԱՆ ՄԻՐՈՅԻ ՊԱՏՎԻՆ
Ընկերությունը հիմնադրվել է 2011 թվականին Անդրեյ Խուսիդի և Օլեգ Շարդինի կողմից, ովքեր հաղորդակցման հարմար միջոց էին փնտրում իրենց դիզայներական գործակալության գաղափարները հասցնելու միևնույն սենյակում չգտնվող հաճախորդներին․ նրանց ստեղծած վիրտուալ գրատախտակը սկզբում հայտնի էր RealtimeBoard անվան տակ:
Հարթակը սահմանեց համագործակցության համար նախատեսված գործիքների բոլորովին նոր կատեգորիա, որն օգնեց թիմերին իրական ժամանակում հավաքվել ընդհանուր տեսլականի շուրջ: 2019 թվականին, ոգեշնչված իսպանացի նկարիչ Ժոան Միրոյի վիզուալ լեզվով, ընկերությունը ներկայացավ շուկայում Miro անվան տակ։
Աշխարհում հեռավար և հիբրիդային աշխատանքի ծավալների աճը նպաստել է ընկերության պրոդուկտի պահանջարկի մեծացմանը: 35 միլիոնից ավելի օգտատեր և Fortune 100-ի ցանկի ընկերությունների 99%-ը՝ ներառյալ Cisco-ի, Volvo-ի, Dell-ի և VMWare-ի թիմերը, վստահում են Miro-ին: Անկախ նրանից, թե թիմերը համատեղ են աշխատում, տեղակայված են տարբեր վայրերում կամ ամբողջովին հեռավար են, Miro-ն ապահովում է գրավիչ, ինտուիտիվ մակարդակով հասկանալի ինտերֆեյս իրական ժամանակում համատեղ աշխատանքի և ասինխրոն թիմային աշխատանքի բազմաթիվ տարբերակներով:
ՓԱՍՏ 2. 1700 «ՄԻՐՈՆԵՐ» = 1700 ԵՐԱԶՈՂ, ՄՏԱԾՈՂ, ՍՏԵՂԾՈՂ, ՊԱՏՄՈՂ ԵՎ ԴԻԶԱՅՆԵՐ
Miro-ն իսկապես գլոբալ ընկերություն է․ այն գլխամասային գրասենյակներ ունի Սան Ֆրանցիսկոյում (Կալիֆորնիա, ԱՄՆ) և Ամստերդամում (Նիդերլանդներ)։ Ընկերությունն ունի ավելի քան 1700 աշխատակից՝ ավելի քան 1700 երազող, մտածող, ստեղծող, պատմող և դիզայներ աշխարհի տարբեր երկրներից, որոնք անվանում են իրենց «միրոներներ», և գրասենյակներ ունի աշխարհի տարբեր երկրների 12 քաղաքում՝ Օսթին, Լոս Անջելես, Սան Ֆրանցիսկո, Նյու Յորք, Ամստերդամ, Բեռլին, Մյունխեն, Լոնդոն, Տոկիո, Փարիզ, Սիդնեյ և արդեն նաև Երևան: Միջազգային թիմն ու համապատասխան միջազգային արժեքները Miro-ի ուժեղ կողմերից են։
Miro-ում ամեն օր աշխատում են ընկերությունն ավելի արդար, ավելի ներառական և ավելի ներկայացուցչական դարձնելու համար՝ ստեղծելով պատկանելության միջավայր, որտեղ բոլորը կարող են աճել, հասկանալ միմյանց և համագործակցել՝ անկախ մշակութային տարբերություններից: Ընկերության, ինչպես և դրա պրոդուկտի հիմքում ընկած է համագործակցության սկզբունքը։ Թիմն աճում ու զարգանում է միասին՝ իրական ժամանակում կերտելով Miro-ի պատմությունը։
2018 թվականից ի վեր՝ ամեն տարի Miro-ի թիմերը մեկ շաբաթով հավաքվում են միասին՝ տոնելու ընկերության հաղթանակները և պլանավորելու գալիք տարին, խաղալու թիմային խաղեր, շփվելու և մտերմանալու։ Ամենամյա Mirofest-ն այս տարի տեղի կունենա Ամստերդամում, Օսթինում և Երևանում:
ՓԱՍՏ 3. MIRO-Ն ԸՆԴՀԱՆՈՒՐ $476 ՄԼՆ ՆԵՐԴՐՈՒՄ Է ՆԵՐԳՐԱՎԵԼ
Miro-ն ընդհանուր առմամբ ներգրավել է $476 մլն ֆինանսավորում: 2018-ին ընկերությունը ներգրավեց $25 մլն ներդրում Series A փուլում, 2020-ին՝ $50 մլն Series B փուլում, իսկ բոլորովին վերջերս Series C փուլում՝ $400 մլն․ այդ գումարը Miro-ն կներդնի վիզուալ համագործակցության հարթակն ավելի շատ ընկերությունների համար հասանելի դարձնելու համար նախատեսված պրոդուկտների և ծրագրերի ստեղծման մեջ։ Ներդնողների թվում են Accel-ը, ICONIQ-ը, Salesforce-ը, TCV-ն, Atlassian-ը և GIC-ն։ Ընկերության այլ ներդրողներից և խորհրդատուներից շատերը ներկայացնում են այնպիսի առաջատար տեխնոլոգիական բիզնեսներ, ինչպիսիք են Atlassian-ը, Intercom-ը, Microsoft-ը և Google-ը:
Miro-ն զբաղեցրել է 4-րդ տեղը Forbes Cloud 100-ի՝ աշխարհի 100 լավագույն մասնավոր ամպային ընկերությունների այս տարվա վարկանիշում:
ՓԱՍՏ 4. MIRO-Ն ՄՇՏԱԿԱՆ ԲՆԱԿՈՒԹՅՈՒՆ Է ՀԱՍՏԱՏԵԼ ԵՐԵՎԱՆՈՒՄ
Այս տարվա սկզբին Miro-ն բացեց իր առաջին գրասենյակը Երևանում։ Այն գտնվում է քաղաքի պատմական կենտրոնից ոչ հեռու և ունի դեպի լեռները բացվող գեղեցիկ տեսարան։ Գրասենյակը 7 հարկ է զբաղեցնում, ունի բազմաթիվ կոնֆերանս սենյակներ, ինչպես նաև մի ամբողջ հարկ՝ հարմարեցված ճաշելու ու թիմային ժամանցի համար։
Հայաստանյան թիմում այժմ 200-ից ավելի «միրոներ» է աշխատում, սպասվում է, որ թիմը շարունակաբար կաճի։ Ընկերությունն այժմ պատրաստ է համալրել իր թիմը Backend և Frontend ավագ ինժեներներով, QA ինժեներներով և Engineering Manager-ներով:
ՓԱՍՏ 5. MIRO-Ն ՍՏԵՂԾԵԼ է ԿԱՐԵՎՈՐ ԲԻԶՆԵՍ ԳՈՐԾԻՔ՝ ԿԱՌՈՒՑԵԼՈՎ ԲԱԶՄԱՖՈՒՆԿՑԻՈՆԱԼ ԹԻՄԵՐ
Miro-ում հավատում են, որ ստեղծագործել կարող են բոլորը, և որ ընկերության Վերլուծության, Մարքեթինգի, Պրոդուկտի, Ինժեներինգի և Դիզայնի թիմերի միջև համագործակցությունը կարող է նոր մեծ նվաճման սկիզբ դնել։ Miro-ի AMPED-ի 6 հիմնական ուղղությունները՝ հիմնական պրոդուկտը, աճն ու բիզնեսի ինքնասպասարկումը, պրոդուկտի օգտագործման փորձառությունները, ձեռնարկությունների, հարթակների և ռազմավարական ինտեգրումները, ինչպես նաև ենթակառուցվածքները, միասին նորարարական կապ են ստեղծում ընկերության բոլոր գրասենյակների միջև։
Miro-ի տեխնոլոգիական սթեքը ներառում է․
- Java 11 & 17, Spring (+Spring Boot), Hazelcast, PostgreSQL, Redis, TestNG & Mockito.
- React, React Native, TypeScript, Webpack, MobX.
- Atlassian stack (Bitbucket, Bamboo, Jira).
- AWS (S3, EC2), Docker, Linux.
Miro-ի ինժեներական թիմը ստեղծել է բիզնեսի համար կարևոր գործիքներ աշխարհի հարյուրավոր ընկերությունների համար: Համագործակցությունն այն ամենի հիմքն է, ինչ անում է ընկերությունը՝ ամենադժվար ինժեներական խնդիրների լուծումից մինչև սիրելի պրոդուկտի մշակումը:
ՄԻՐՈՆԵՐ ԼԻՆԵԼՈՒ ԱՌԱՎԵԼՈՒԹՅՈՒՆՆԵՐԸ
Ի՞նչ բենեֆիթներ է առաջարկում Miro-ն.
- Բաժնետոմսերի ձեռքբերման հնարավորություն․ Miro-ի ողջ թիմն ընկերության համասեփականատերերն են, և յուրաքանչյուրի աշխատանքը կապված է ընկերության հաջողության հետ։ Miro-ում բոլոր ամբողջական դրույքով աշխատողներն իրավասու են ստանալ ընկերության բաժնետոմսեր՝ հիմնված իրենց աշխատանքի արդյունքների վրա։
- Աճող ընտանիքների աջակցություն․ Miro-ի աշխատակիցների համար հասանելի են ընտանեկան հանգամանքներով պայմանավորված արձակուրդները։
- Պարզ, առանց դժվարությունների առողջության ապահովագրություն:
- Ճանապարհածախսի փոխհատուցում։
- Ընկերությունը տրամադրում է նախաճաշը, ճաշը, խմիչքներն ու հյուրասիրությունը գրասենյակում։
- Miro-ի անվճար հաշիվ աշխատակիցներին և զեղչեր նրանց ընկերների ու ընտանիքի համար:
