Եթե մի քանի տարի առաջ ընկերությունների հիմնական մարտահրավերը ճիշտ մասնագետներ գտնելն էր, ապա այսօր իրավիճակը զգալիորեն փոխվել է։ Արհեստական բանականությունը, ավտոմատացումը և տեխնոլոգիական զարգացումները փոխում են աշխատաշուկան այնքան արագ, որ շատ դեպքերում ավելի արդյունավետ է զարգացնել արդեն առկա թիմը, քան անընդհատ նոր աշխատակիցներ փնտրել։

Համաշխարհային հետազոտությունները ցույց են տալիս, որ առաջիկա տարիներին միլիոնավոր մասնագետներ ստիպված կլինեն սովորել նոր հմտություններ՝ մրցունակ մնալու համար։ Սակայն այստեղ առաջանում է կարևոր հարց.

Արդյո՞ք ձեր աշխատակիցներին պարզապես անհրաժեշտ է զարգացնել իրենց ներկայիս հմտությունները, թե՞ ժամանակն է պատրաստել նրանց բոլորովին նոր հաստիքների համար։

Այս երկու մոտեցումները հաճախ անվանում են Upskilling և Reskilling։ Թեև դրանք հաճախ օգտագործվում են որպես հոմանիշներ, իրականում լուծում են տարբեր խնդիրներ։

Upskilling-ը աշխատակցի ներկայիս մասնագիտական գիտելիքների և հմտությունների զարգացումն է, որպեսզի նա կարողանա ավելի արդյունավետ կատարել իր նույն աշխատանքը կամ ստանձնել ավելի բարդ պատասխանատվություն։

Այս դեպքում մասնագիտությունը չի փոխվում։ Փոխվում է մասնագետի արժեքը կազմակերպության համար։

Այսպիսի զարգացումը թույլ է տալիս նույն թիմին աշխատել ավելի արագ, ավելի արդյունավետ և ավելի մեծ ազդեցություն ունենալ բիզնեսի արդյունքների վրա։

Օրինակ՝ եթե ձեր մարքեթինգի թիմը սկսի արդյունավետ օգտագործել AI գործիքները, նրանք կարող են նույն ժամանակում ստեղծել ավելի շատ և ավելի որակյալ բովանդակություն՝ առանց թիմի մեծացման։

Reskilling-ը բոլորովին այլ մոտեցում է։

Այստեղ աշխատակիցը սովորում է նոր մասնագիտություն կամ անցնում է այլ գործառույթի՝ կազմակերպության ներսում շարունակելով ստեղծել արժեք։

Սա հատկապես կարևոր է այն ժամանակ, երբ որոշ պաշտոնների պահանջարկը նվազում է, իսկ մյուսների պահանջարկը՝ աճում։

Այս մոտեցումը թույլ է տալիս պահպանել կազմակերպության ներսում արդեն իսկ կուտակված փորձը, կազմակերպության մշակույթին ծանոթ մարդկանց և միաժամանակ լրացնել նոր առաջացած հաստիքները։

Շատ ընկերությունների համար ավելի արագ և ավելի մատչելի է սեփական աշխատակիցներին պատրաստել այս նոր հաստիքներին, քան ամիսներ շարունակ փորձել գտնել պատրաստ մասնագետներ շուկայում։

Նախքան վերապատրաստման ծրագրեր սկսելը, փորձեք պատասխանել հետևյալ հարցերին.

Ամենատարածված սխալներից մեկն այն է, որ կազմակերպությունները վերապատրաստումները դիտարկում են որպես մեկանգամյա միջոցառում։

Իրականում արդյունավետ ուսուցումը պետք է լինի շարունակական գործընթաց։

Հենց այստեղ կարևոր դեր է խաղում Career Factory by staff.am-ի Learning Management System (LMS)-ը, որը հնարավորություն է տալիս կազմակերպություններին կառուցել համակարգված ուսուցման միջավայր, որտեղ աշխատակիցները կարող են սովորել իրենց համար հարմար ժամանակ, հետևել անհատական ուսուցման ուղիներին և շարունակաբար զարգացնել իրենց հմտությունները։

LMS-ը հատկապես օգտակար է, երբ ցանկանում եք.

Այս մոտեցումը թույլ է տալիս ուսուցումը դարձնել ոչ թե մեկանգամյա նախաձեռնություն, այլ կազմակերպության զարգացման մշտական գործընթաց։

Իրականում հաջողակ կազմակերպությունների մեծ մասը չի ընտրում այս երկու մոտեցումներից միայն մեկը։

Նրանք համատեղում են երկուսը։

Մասնագետների մի մասը զարգացնում է իր ներկայիս հմտությունները, իսկ մյուս մասը պատրաստվում է նոր դերերի։ Այս համադրությունը թույլ է տալիս և՛ բարձրացնել թիմի արդյունավետությունը, և՛ պատրաստ լինել աշխատաշուկայի ապագա փոփոխություններին։

Աշխատաշուկան փոխվում է ավելի արագ, քան երբևէ։ Հենց այդ պատճառով ամենամեծ մրցակցային առավելությունը ոչ թե ամենաշատ աշխատակիցներ ունենալն է, այլ ամենաարագ սովորող թիմը։

Եթե ցանկանում եք, որ ձեր կազմակերպությունը պատրաստ լինի վաղվա մարտահրավերներին, ներդրումը աշխատակիցների շարունակական զարգացման մեջ այլևս ընտրություն չէ, այլ ռազմավարական անհրաժեշտություն։

Անկախ նրանից՝ ձեր թիմին այսօր ավելի շատ անհրաժեշտ է Upskilling, Reskilling կամ երկուսի համադրությունը, կարևոր է, որ ուսուցումը լինի շարունակական, չափելի և հասանելի։ Այդ նպատակին կարող է ծառայել Career Factory by staff.am-ի Learning Management System (LMS)-ը՝ օգնելով կազմակերպություններին կառուցել համակարգված ուսուցման մշակույթ և զարգացնել իրենց թիմերը երկարաժամկետ հեռանկարում։