Արևով ողողված վրաններ, հիանալի բնություն, բիզնես գաղափարներ, նորարարություն, գործնական կապեր և իրական աճ․ այսպես կարելի է նկարագրել Seaside Startup Summit-ը, որը 2025-ին արդեն յոթերորդ անգամ համախմբում է տարածաշրջանի ամենաակտիվ ստարտափ համայնքին՝ Սևանի ափին։
Այս բացօթյա վրանային միջոցառումը մեկ վայրում է հավաքում հիմնադիրների, ներդրողների, մենթորների ու ստարտափ մշակույթի սիրահարների՝ մեկ շաբաթ շարունակ շփվելու, համագործակցելու և միասին ստեղծագործելու համար։ Ի տարբերություն ավանդական համաժողովների՝ Summit-ը ստեղծում է ոչ ֆորմալ, ազատ մթնոլորտ, որտեղ զրույցներն ընթանում են խարույկի շուրջ, իսկ գործարքները՝ ծնվում են բաց երկնքի տակ։
Summit-ի առանցքում այս տարի կրկին Micro-Acceleration ծրագիրն է, որի նպատակն է աջակցել վաղ փուլում գտնվող ստարտափներին իրենց ճանապարհի սկզբում։ Booster թրեքի մասնակիցները արդեն սկսել են իրենց ինտենսիվ աշխատանքը համաշխարհային մակարդակի մենթորների՝ Steve Adelman, Bob Upham, Stephen Torres և Ngoc Mai Nguyen-ի հետ։ Սեսիաները միտված են հիմնադիրներին պրակտիկորեն պատրաստելու եզրափակիչ մրցույթի համար՝ խթանելով նրանց մտածողությունը, բիզնես մոտեցումները և շուկայում մրցունակությունը։
Summit-ը եզակի է ոչ միայն իր ձևաչափով, այլև նրանով, թե ինչպես է համախմբում իրական փորձը՝ մարդկային անկեղծ շփման շուրջ։
staff.am-ը ևս անմասն մնալ չէր կարող այս բացառիկ իրադարձությանը, ավելին Seside Startup Summit-ին staff.am-ի մասնակցությունն արդեն վերածվել է հաճելի ավանդույթի։ Ինչպես նախորդ տարիներին, այս տարի ևս staff.am և Hirebee համահիմնադիր Լուիզա Ավետիսյանը մասնակցեց և իր փորձը փոխանցեց ստարտափերներին մենթորության և Campfire Talk-երի ընթացքում։
Summit-ի ընթացքում Լուիզան ներգրավված էր մենթորության ձևաչափերում՝ աշխատելով տարբեր ստարթափ թիմերի հետ՝ օգնելով նրանց վերանայել բիզնես մոդելները, հասկանալ թիմային կառավարման կարևորությունը և գտնել իրենց նպատակից բխող աճի ուղիներ։ Ինչպես աշխատանքային գործընթացներում, այնպես էլ մենթորության մեջ նա աչքի էր ընկնում գործնականությամբ, կոնկրետությամբ և այն համոզմունքով, որ լուծումները պետք է ծնվեն հենց այն միջավայրում, որտեղ խնդիրը ծագում է։
Առավել մտերմիկ ու անկաշկանդ մթնոլորտում՝ Campfire Talk-ի ընթացքում Լուիզա Ավետիսյանը կիսվեց աշխատաշուկայի արդի միտումներով և թվերով՝ տալով մասնակիցներին իրատեսական պատկեր այն իրականությունից, որում գործում են ստարտափները։ Լինելով տեխնոլոգիական լուծումներով զբաղվող ստարտափի հիմնադիր՝ նա պատմեց այն մարտահրավերների ու հնարավորությունների մասին, որոնց միջով անցել է տարիների ընթացքում։ Այս զրույցը հատկապես կարևոր էր այն թիմերի համար, որոնք նոր են սկսում իրենց ճանապարհը բարդ ու փոփոխվող էկոհամակարգում։ Campfire Talk-ը վերածվեց փորձի, վերլուծության ու ոգեշնչման յուրօրինակ հարթակի։
Seaside Startup Summit-ի մասին ավելին իմանալու համար խորհուրդ ենք տալիս դիտել Beyond Podcast-ի 43-րդ էպիզոդը, որտեղ Seaside Startup Summit-ի կրթական ծրագրերի ղեկավար Արսեն Հարությունյանն ու տնօրեն Վահագն Ռափյանը պատմում են, թե ինչպես է ծնվել սամմիթ-ի գաղափարը, ինչպես այն վերածվեց միջազգային ստարթափ էկոհամակարգի առանցքային հանգույցի, ինչպես նաև խոսում են նախաձեռնության ապագա տեսլականի և այն փոփոխությունների մասին, որոնց միջով անցել է ստարթափ համայնքը վերջին տարիներին։
Ամոփոփելով Seaside Startup Summit 2025-ը՝ ևս մեկ անգամ համոզվում ենք, որ ստարտափ էկոհամակարգի ամրապնդման համար անհրաժեշտ են ոչ միայն ֆինանսներ ու գաղափարներ, այլև ճիշտ մարդիկ՝ միավորված մեկ հարթակում։ Այսպիսի միջավայրում ձևավորվում են գործնական կապեր, ստարտաթերի համար կառուցում է ամուր հիմքեր, որոնց շնորհիվ նրանք կարող են լուրջ փոփոխություններ բերել թե՛ բիզնես միջավայրում, թե՛ հասարակական կյանքում։
