Կիսվել հոդվածով
Տակտիկական մինչբժշկական առաջին օգնություն ցուցաբերելու համար անհրաժեշտ է առաջնորդվել մի շարք կարևոր սկզբունքներով՝
- Սթափ գնահատել իրավիճակը, որովհետև մինչբժշկական առաջին օգնություն ցուցաբերելիս առաջնայինը պետք է լինի ձեր անվտանգությունը։ Եթե, օրինակ, ձեր ընկերը ստացել է բեկորային կամ հրազենային վնասվածք և գտնվում է կրակի գոտում, ապա այդ գոտին պայմանականորեն անվանենք կարմիր գոտի։ Այսինքն, անհրաժեշտ է ռեալ գնահատել, թե արդյոք կարող եք անվտանգ մտնել կարմիր գոտի և տուժածին անվնաս տարհանել այդ գոտուց, թե ոչ։
- Կարմիր գոտում առաջնահերթ զննել տուժածին, արդյո՞ք ունի արնահոսություն, եթե այո, ապա դադարեցնել այն լարանով կամ ժգուտով, իսկ այնուհետև տուժածին դուրս բերել դեղին գոտի* (համեմատաբար անվտանգ գոտի)։
- Դեղին գոտում տուժածին հավելյալ զննել։ Եթե շնչառության ու զարկերակի հետ առկա են խնդիրներ, ապա պետք է իրականացնել սիրտթոքային վերակենդանացման որոշակի գործողություններ։ Իսկ եթե այլ խնդիրներ չկան, անհրաժեշտ է ճնշող վիրակապ դնել արնահոսությունն ամբողջությամբ դադարեցնելու համար և տուժածին տեղափոխել կանաչ գոտի։
- Մնացած այլ անհրաժեշտ միջամտություններն իրականացնել կանաչ գոտում։
Մինչբժշկական առաջին օգնություն ցուցաբերելիս գոտիավորումն անչափ կարևոր է, քանի որ այն օգնում է ռեալ գնահատել իրավիճակը և որոշել անհրաժեշտ գործողությունները։ Խորհուրդներին կարող եք հետևել նաև տեսանյութում, որը մեջբերված է «StaffLIVE Սարգիս Բազինյանի հետ․ Մինչբժշկական առաջին օգնություն» թողարկումից։
