Շարունակում ենք լուսաբանել մեր գործընկեր կազմակերպությունների հագեցած 2023-ը և այս անգամ անդրադարձել ենք Grid Dynamics միջազգային ՏՏ ընկերությանը, որն իր գրասենյակը Հայաստանում հիմնել է 2022թ.-ին, արդեն ունի 300 աշխատակից և համալրել է խոշոր հարկատուների ցանկը։
Հպարտորեն նշում ենք, որ հայաստանյան գրասենյակը համագործակցում է մի շարք հայտնի ու համաշխարհային հսկա բրենդների հետ։
Ընկերության 2023-ի ձեռքբերումներով կիսվելու լավ առիթ հանդիսացավ նաև նոր գրասենյակի բացումը, որին կանդրադառնանք։ Բայց հիմա ամեն ինչ հերթով։
Սկսեցինք։
Սիլիկոնյան Հովիտ, 18 երկիր, 4 000 ինժեներ
Grid Dynamics-ը հիմնադրվել է 2006թ.-ին։ Ընկերության գլխավոր գրասենյակը գտնվում է Սիլիկոնյան Հովտում։ Grid Dynamics-ը գրասենյակներ ունի նաև Մեքսիկայում, Միացյալ Թագավորությունում, Եվրոպայում և Հնդկաստանում։
Ի դեպ, Հայաստանում գրասենյակը բացվելուց ի վեր ընկերության հայաստանյան թիմը համալրվել է ևս 100 մասնագետներով՝ հասնելով 300-ի։ Ընկերության 18 տարբեր երկրներում աշխատում են ավելի քան 4,000 ՏՏ ոլորտի մասնագետներ, ծրագրավորողներ, ՏՏ ղեկավարներ։
Կիրառելով նորագույն տեխնոլոգիաներ՝ Grid Dynamics-ը Fortune 1,000 ընկերություններում իրականցվող զանազան նախագծերում աջակցում է այնպիսի ոլորտներին, ինչպիսիք են մեքենայական ուսուցման և տվյալագիտության ալգորիթմների զարգացումը, GenAI-ի, Big Data-ի և այլ ժամանակակից տեխնոլոգիաների ոլորտը, ինչպես նաև տեղեկատվական հավելվածների մոդերնիզացիան, Տվյալների պլատֆորմներ ստեղծելն ու հզորացնելը։ Վերջիններս հիմնաքարային են Grid Dynamics-ի բիզնեսի զարգացման գործում:
«Եթե համեմատական անցկացնենք միջին մեծության տեխնոլոգիական ծառայություններ մատուցող միջազգային ընկերությունների միջև, ապա տաղանդների առումով Grid Dynamics-ը համարվում է առաջատար։ Նշեմ նաև, որ մեր ռազմավարության կարևոր հիմնասյուներից են կրթությունն ու ինթերնշիփի ծրագրերը։ 2022թ.-ից ի վեր ունեցել ենք ավելի քան 55 մասնակիցներ տարբեր ինթերնշիփային ծրագրերում, որոնց զգալի մասը արդեն աշխատանքի են անցել առաջատար ընկերությունների համար իրականացվող նախագծերում։ Ներդնելով նորարարական տեխնոլոգիաներ և խթանելով հմտությունների զարգացումը` Grid Dynamics Armenia-ն առանցքային դեր է խաղում հայ մասնագետների համար՝ տալով հնարավորություն համաշխարհային ասպարեզում իրենց տաղանդը ցուցաբերելու գործում: Մենք հպարտ ենք, որ նպաստում ենք մասնագիտական աճին, ինչն էլ հանգեցնում է Հայաստանում տեխնոլոգիական առաջընթացին,- մեզ հետ զրույցում ասաց Grid Dynamics-ի հայաստանյան գրասենյակի տնօրեն Միհրան Մինասյանը»։
Դինամիկ աճող թիմ և ավելի ընդարձակ գրասենյակ
Grid Dynamics-ը դեկտեմբերի 15-ին նշեց գրասենյակի նոր հատվածի նորամուտը։ Նոր և ընդարձակ տարածքի նպատակն է ընկերության ավելի քան 100 ինժեներների համար ստեղծել հարմարավետ և ապահով միջավայր, որը կօգնի թիմերին բարձրացնել արդյունավետությունը, իսկ միջթիմային համագործակցությունը հասցնել նոր մակարդակի։
Grid Dynamics-ում անչափ բարձր են գնահատում թիմակիցների համար ընկերական և հարմարավետ միջավայրի ստեղծումն ու դրա շարունակական զարգացումը։ Այդ իսկ պատճառով գրասենյակի բացման արարողության կուլմինացիան Grid Dynamics Armenia թիմի համար կազմակերպված խրախուսական միջոցառումն էր, որն առիթ էր ընկերության լավագույն աշխատակիցներին գնահատելու և տարբեր հետաքրքիր նվերների միջոցով պարգևատրելու համար։
Կրթական և սոցիալան նախաձեռնություններ
Grid Dynamics-ում անչափ կարևորվում է կրթությունն ու շարունակական վերապատրաստումը։ Ընկերությունում հաճախ անցկացվում են ՏՏ ոլորտի վերաբերյալ փակ և բաց ձևաչափով զրույցներ ու քննարկումներ, ընկերության աշխատակիցներն ակտիվորեն մասնակցում են տարատեսակ սեմինարների և միջոցառումների։ Առհասարակ, Grid Dynamics-ում գիտելիքների մատչելի փոխանակումը ընկերության մշակույթի մի մասն է կազմում։
Թիմի ավագ մասնագետները՝ ճարտարապետ-ինժեներները, պարբերաբար մասնակցում են տարբեր ակնառու միջոցառումների՝ որպես խոսնակներ, իրենց հարուստ փորձով կիսվելով ՏՏ համայնքի հետ։
Ընկերությունը ոչ միայն իրականացնում է վերապատրաստման ու կրթական ծրագրեր, այլև մասնակցում է տարբեր հարթակներում իրագործվող նմանատիպ նախագծերին։
Դրանցից առանձնացնենք անցած տարվա մայիս ամսին կայացած Yerevan Tech Forum-ը, որի հովանավորներից մեկն էր Grid Dynamics-ը:
Միջոցառման ընթացքում ընկերության Data Engineering-ի գծով տնօրենն իր մասնակցությունն ունեցավ «Թվային տրանսֆորմացիայի» թեմայով պանելային քննարկմանը, ներկայացրեց թվային տրանսֆորմացիայի առանձնահատկությունները՝ ընդգծելով նաև ընկերության հանձնառությունը՝ ոլորտում լինելու գաղափարային առաջնորդ։
Առաջ նայելով՝ Grid Dynamics Armenia-ն գալիք տարվա համար հետաքրքիր կրթական ծրագրեր է նախատեսել: Այն մտադիր է իրականացնել ոլորտային տարբեր սեմինարներ և workshop-եր՝ մեծ ցանկություն ունենալով կիսվելու թվային տրանսֆորմացիայի վերաբերյալ իր տեսլականով։
Անդրադառնալով Grid Dynamics-ի կորպորատիվ սոցիալական պատասխանատվության ծրագրերին` կարող ենք վստահորեն ասել, որ 2023-ը բավականին ակտիվ է եղել նաև նման նախաձեռնությունների տեսանկյունից։ Մասնավորպես ընկերությունն աջակցել է Արցախից բռնի տեղահանված մեր հայրենակիցներին հոգալու տարբեր կարիքներ։ Սոցիալապես պատասխանատու լինելը ընկերության հավատքի արտացոլումն է, որ բիզնեսը պետք է լինի համայնքում և երկրում դրական փոփոխությունների առաջամարտիկը։
Շարունակելով դրական փոփոխությունների թեման՝ նշենք, որ Grid Dynamics Armenia-ն այս տարի հայտարարեց Հայաստանի խոշորագույն ՏՏ ասոցիացիային՝ ԱՏՁՄ-ին, անդամակցելու մասին։ Այս նշանակալից քայլն ընկերությանն արժեքավոր հարթակ կտրամադրի ոլորտի հիմնական խնդիրներն ավելի կոնստրուկտիվ հասցեավորելու համար, կօգնի ոլորտի առջև ծառացած մարտահրավերներին համատեղ լուծումներ գտնելուն և ՏՏ ոլորտի ընդհանուր առաջընթացին նպաստելու հարցում:
Եկեք ամփոփենք
Մեկ տարուց մի փոքր ավելի է, ինչ Grid Dynamics-ն իր դռներն է բացել Հայաստնաում, սակայն հասցրել է զբաղեցնել հեղինակավոր դիրք Հայաստանի տեղեկատվական տեխնոլոգիաների 20 ամենախոշոր հարկատուների շարքում: Սա նշանակալի իրադարձություն է Grid Dynamics Armenia թիմի համար և լավագույն սկիզբն է նորանոր ձեռքբերումներ ապահովելու ճանապարհին:
Մենք հավատացած ենք, որ այս ամենը հնարավոր էր միայն Grid Dynamics թիմի աներկբա նվիրվածության և անխոնջ հավաքական ջանքերի շնորհիվ, որոնք նման կարճ ժամանակում ընկերութանն օգնել են ունենալ մեծամասշտաբ հաջողություններ ՀՀ-ում. բարձրորակ մասնագետներով համալրված թիմ, սոցիալապես պատասխանատու ընկերություն և բազում ծրագրեր ՏՏ համայնքը, երկիրն ու աշխարհն ավելի լավը դարձնելու ուղղությամբ։
Ինչպես ընկերությունից մեզ հետ կիսվեցին, առջևում հավակնոտ ծրագրեր են, որոնց իրագործմանը մեծ նվիրվածությամբ պատրաստ է Grid Dynamics Armenia-ի թիմը։
