Դեկտեմբերի 3-ին «Դասավանդի՜ր հանուն Հայաստանի»-ն կազմակերպեց GoTeach կարիերայի տոնավաճառ Երևանում՝ ՝ միավորելով աշակերտներին, ուսուցիչներին և տարբեր ոլորտների մասնագետներին՝ ապագա կարիերայ հնարավորությունները ուսումնասիրելու և քննարկելու համար։
Միջոցառումը կազմակերպվել է Դի-Էյջ-Էլ հայաստանյան գրասենյակի աջակցությամբ՝ DHL Group-ի և Teach For All-ի գլոբալ GoTeach գործընկերության շրջանակում։ GoTeach-ի նպատակն է աջակցել երիտասարդներին ամբողջ աշխարհում՝ տրամադրելով գիտելիքներ ու հմտություններ, որոնք անհրաժեշտ են ժամանակակից աշխատաշուկայում հաջողելու համար։
«Դասավանդի՜ր հանուն Հայաստանի» ծրագրում ներգրավված հիսուն աշակերտներ և նրանց ուսուցիչները ժամանել էին միջոցառմանը մասնակցելու Արմավիրի, Կոտայքի, Գեղարքունիքի, Տավուշի, Վայոց Ձորի և Սյունիքի մարզերի վեց գյուղական համայնքներից։ Կարիերայի տոնավաճառի նպատակն էր աշակերտներին ծանոթացնել տարբեր մասնագիտական ուղղությունների հետ և նրանց ներառել քննարկումների մեջ Հայաստանում և աշխարհում արագ փոփոխվող աշխատաշուկայի վերաբերյալ։
Հպարտ ենք, որ մասնակցում ենք GoTeach գլոբալ ծրագրին և համագործակցում Դի–Էյջ–Էլ հայաստանյան գրասենյակի հետ։ GoTeach կարիերայի տոնավաճառի նման նախաձեռնություններով մենք օգնում ենք Հայաստանի գյուղական համայնքների մեր հրաշալի աշակերտներին պատկերացում կազմել իրենց ապագա կարիերայի նոր
«Դասավանդի՜ր հանուն Հայաստանի» Առաջխաղացման գծով տնօրեն Վարդան Փարթամյան
հնարավորությունների ու հեռանկարների մասին։
Դի–Էյջ–Էլ հայաստանյան գրասենյակը հովանավորեց GoTeach կարիերայի տոնավաճառը, որպեսզի տարբեր մարզերից աշակերտները ստանան պատկերացումներ և գաղափարներ արագ փոխվող աշխարհի
Դի–Էյջ–Էլ
և աշխատաշուկայի մասին։ Որպես «Դասավանդի՜ր հանուն Հայաստանի» երկարամյա գործընկեր՝ Դի–Էյջ–Էլ հայաստանյան գրասենյակը հավատարմորեն աջակցում է կրթության ոլորտին և Հայաստանի ապագա առաջնորդների զարգացմանը։
հայաստանյան գրասենյակի Օպերացիոն բաժնի ղեկավար Ինաննա Բելույան
Մասնակիցները լսեցին TED-ոճի մի շարք ելույթներ, որոնք ներկայացրին «Դասավանդի՜ր հանուն Հայաստանի» շրջանավարտները, այդ թվում՝
● Աստղիկ Մնացականյան – Ucom Academy-ի ղեկավար
● Անդրանիկ Մանուկյան – Saghmos Ceramics-ի համահիմնադիր
● Գարին Շորջյան – Հայաստանի Ֆուտբոլի ֆեդերացիայի կանանց բաժնի ղեկավար
● Շուշանիկ Մանուկյան – Ավստրիական Զարգացման Գործակալության խորհրդատու, Գյումրիում
Միջոցառումը ներառում էր նաև պանելային քննարկում՝ «Պատրաստվելով աշխատանքի ապագային» թեմայով, որը վարում էր «Դասավանդի՜ր հանուն Հայաստանի» Առաջխաղացման գծով տնօրեն Վարդան Փարթամյանը։ Քննարկման բանախոսներն էին՝
● Իշխան Մարգարյան – DataArt-ի գործադիր տնօրենի տեղակալ և ՄՌ տնօրեն
● Ինաննա Բելույան – Դի-Էյջ-Էլ հայաստանյան գրասենյակի օպերացիոն բաժնի ղեկավար
● Լուիզա Ավետիսյան – Staff.am-ի համահիմնադիր և գլխավոր գործադիր տնօրեն
● Աննա Ալլահվերդյան – ԱրարատԲանկի հաղորդակցության և ԿՍՊ ծրագրերի ղեկավար
Staff.am համահիմնադիր Լուիզա Ավետիսյանը դպրոցականների հետ կիսվեց բազմաթիվ արժեքավոր խորհուրդներով․
Ձեր կարիերայի ընթացքում, դուք մի քանի անգամ հասցնելու եք մասնագիտություն կամ մասնագիտացում փոփոխել, քանի որ մենք ապրում ենք անչափ արագ փոփոխվող աշխարհում։ Երբեք մի դադարեք սովորել, միշտ բաց եղեք նորն ընակելուն և փորձելուն, քանի որ հնարավորությունները շատ են, ուղղակի պետք է շարունակել գնալ դրանց ընդառաջ։
