Հոկտեմբերի 25-ին Գյումրիում հանդիսավոր կերպով բացվեց Ինեկոբանկի հաճախորդների հեռահար աջակցման նոր կենտրոնը, որն արդեն գրեթե 8 ամիս է համալրված ժամանակակից տեխնոլոգիական լուծումներով և հարմարավետ աշխատանքային պայմաններով սպասարկում է Բանկի հաճախորդներին:
Ինեկոբանկի տարբեր նախաձեռնություններին, ծրագրերին և նորություններին հաճախ ենք առիթ ունենում անդրադառնալու։
Կենտրոնի բացումը չէր կարող վրիպել մեր ուշադրությունից, քանի որ այն նպատակ ունի ապահովել իր թիմակիցների համար լավագույն աշխատանքային միջավայր, իսկ հաճախորդների համար թվային և հեռահար սպասարկում։
Հաճախորդների հեռահար սպասարկում` թվային ուղիներով
Աջակցման նոր կենտրոնը, որը հագեցած է տեխնոլոգիական և հեռահաղորդակցության արդիական լուծումներով, հաճախորդներին ապահովում է արագ և անհատականացված սպասարկում:
Նոր կենտրոնի բացման կապակցությամբ Ինեկոբանկի Հեռահար բենքինգի և հաճախորդների աջակցման կենտրոնի ղեկավար Անի Դավթյանը նշեց.
Մեր թվային օրակարգի նպատակն է բանկային ծառայություններից օգտվելը դարձնել հեշտ և հասանելի բոլորի համար։ Կենտրոնի բացմամբ մենք ոչ միայն ընդլայնում ենք սպասարկման մեր հնարավորությունները, այլև ավելի ենք նրանց մոտեցնում թվային բանկինգի իրական փորձառությանը:
Նոր աշխատատեղեր մարզերում
Նորարական աջակցման կենտրոնի հիմնադրումը staffmedia.am-ի ուշադրությունը գրավեց նաև այն փաստով, որ բացի հաճախորդների սպասարկման որակի բարձրացումից, Բանկը նաև աշխատատեղեր է ստեղծում։ Այն հնարավորություն է տալիս խթանել մարզերում կայուն տնտեսական զարգացումը, օգնում է երիտասարդներին սկսել կարիերան և զարգանալ իրենց իսկ մարզում։
Հարմարավետ և ժամանակակից լուծումներով աշխատանքային միջավայր
Գաղտնիք չէ, որ աշխատանքային միջավայրը մեծ ազդեցություն ունի աշխատակիցների բարեկեցության և արտադրողականության վրա։ Ինեկոբանկի նոր կենտրոնում ներդրված են հարմարավետ ու նորարարական լուծումներ՝ աշխատակիցներին տրամադրելով ինչպես աշխատանքային, այնպես էլ հանգստի, հաղորդակցության և գիտելիքների փոխանակման ենթակառուցվածքներ, որոնք նպաստում են մասնագիտական աճին և թիմային աշխատանքի որակի բարձրացմանը։
Ամփոփենք
Ուրախ ենք արձանագրել մեր լավ գործընկեր Ինեկոբանկի ևս մեկ ձեռքբերում ՀՀ շուկայում, որը ոչ միայն օգնում է բանկին էլ ավելի բարձր աջակցություն և թվային հնարավորություններ տրամադրել իր հաճախորդներին, այլ նաև սպասարկման նոր նշաձող է սահմանում Հայաստանում։
Իսկ ձեզ առաջարկում ենք հետևել Ինեկոբանկին staff.am-ում, աշխատանքի նոր հնարավորությունները բաց չթողնելու համար։
