staffmedia.am-ի այս հոդվածում պատմում ենք HerculesAI ընկերության պատմության, գործունեության և հաջողությունների մասին։
«AI»-ի այսքան հայտնի դառնալուց դեռ շատ առաջ HerculesAI-ը գիտեր, որ դա ավելին է, քան պարզապես հերթական աղմուկը, դա ապագան է: Տասը տարի առաջ ընկերությունը սկսեց օգտագործել AI-ի ուժը, և այսօր այն ամենուր է՝ վերափոխելով ոլորտները և վերաիմաստավորելով հնարավորությունները: Նշելով HerculesAI-ի 10-ամյակը՝ վերհիշենք, թե ինչպես ընկերության տեսլականն ու հաստատակամությունը նորարարության կայծը վերածեցին համաշխարհային ազդեցության: Սկսած ծագումից՝ որպես Zero Systems մինչև HerculesAI, ընկերությունը շարունակաբար ընդլայնել է սահմանները, և սա դեռ սկիզբն է: Եկեք հետ նայենք որոշ առանցքային պահերի, որոնք առաջնորդել են նրանց այդ ճանապարհին և ձևավորել ընկերությունը:
Հիմնադրում և առաջին քայլեր | Գաղափարները վերածելով AI լուծումների
2014 թվականին ընկերությունը մեկնարկեց համարձակ տեսլականով՝ Inbox Zero անվան ներքո, նպատակ ունենալով արհեստական բանականության միջոցով պարզեցնել բարդ առաջադրանքները: Շուկային այն ներկայացավ իր B2C հավելվածով, որը կարող էր ամփոփել երկար տեքստերը հակիրճ, հեշտ ընկալելի հատվածների մեջ՝ խնայելով ժամեր և բարձրացնելով արտադրողականությունը: Սա հիմք հանդիսացավ ընկերության առաջին AI լուծումների զարգացման համար: Ի սկզբանե նպատակ էր դրված օգնել անհատներին կառավարել իրենց էլեկտրոնային փոստը: Փոքր, բայց եռանդուն թիմով նրանք ձեռնամուխ եղան նորարարությունների և լուծումներ ստեղծելու առաքելությանը, որոնք թույլ կտային բիզնեսներին օգտագործել AI-ի հզորությունը:
Նպատակը հստակ էր. տրամադրել խելացի համակարգեր, որոնք կարող են վերածել տվյալները գործնական գաղափարների: Չնայած App Store-ում օրական 10000 ակտիվ օգտատեր ունենալու վաղ հաջողությանը, HerculesAI-ը իր ուշադրությունն ուղղեց դեպի B2B՝ կենտրոնանալով իրավաբանական շուկայի վրա, որը հայտնի է իր պահպանողական բնույթով։ Այս շրջադարձը հիմնարար փոփոխություն էր ընկերության ռազմավարական տեսլականում։
Առաջին քայլը իրավաբանական ոլորտում
Տարիների ուսումնասիրությունից հետո HerculesAI-ը կիրառեց իր փորձը առաջին beachhead market-ում՝ իրավաբանական ոլորտում: Կենտրոնանալով իրավաբանական շուկայի (business of law) վրա՝ ընկերությունը աջակցեց աշխարհի մի քանի խոշորագույն իրավաբանական ընկերությունների ներքին գործառնությունների ավտոմատացման հարցում: Առաջարկված լուծումները օգնեցին հաճախորդներին խնայել հարյուրավոր միլիոն դոլարներ։
Այս փուլը շրջադարձային էր, քանի որ HerculesAI-ը ընդլայնեց իր արտադրանքի առաջարկները և սկսեց համբավ ձեռք բերել՝ որպես ընկերություն, որն առաջարկում է AI նորարարական լուծումներ, որոնք բավարարում են հաճախորդների բազմազան կարիքները:
Ճանաչում և պարգևներ
2022 թվականը նշանավորվեց ճանաչմամբ և պարգևներով, քանի որ ընկերությունը ստացավ մի շարք մրցանակներ նորարարության և գերազանցության համար: Այս պարգևները հաստատեցին քրտնաջան աշխատանքն ու հանձնառությունը՝ անցնելու այն սահմանները, ինչ հնարավոր է AI-ի հետ: Ընկերությունը Gartner-ի կողմից ճանաչվեց ոլորտի առաջատար «Cool Vendor» Data Centric AI-ի անվանակարգում, ինչը թիմին խթանեց շարունակելու գերազանցության ձգտումը և մատուցելու առաջադեմ լուծումներ:
NFX–ի կողմից ընկերությունը ներառվեց ամենաթեժ Generative AI ստարտափների շարքում, որպես խոշոր աճի ճանապարհին ամենաթեժ ստարտափներից մեկը՝ հայտնվելով «AI Hot 75» ցուցակում: Տվյալների գաղտնիությանն ու անվտանգ տեղակայմանը իր նվիրվածության շնորհիվ ընկերությունը վաստակել է Fortune 500-ի մի շարք հաճախորդների վստահությունը:
Համագործակցություններ և ներդրումներ
Ինչպե՞ս HerculesAI-ին հաջողվեց օգտագործել AI-ի հզորությունը ձեռնարկությունների արտադրողականությունը բարձրացնելու համար: Համագործակցելով Intel Corporation-ի հետ՝ ոլորտի երկու առաջատարները միավորվեցին՝ լուծելու հիմնական մարտահրավերը՝ մասնագիտացված համակարգչային չիպերի պակասը, որոնք հայտնի են որպես GPU և կարևոր են զարգացած AI հավելվածներ գործարկելու համար: Այս պակասը՝ զուգորդված աճող ծախսերի հետ, դանդաղեցնում էր շատ ընկերությունների՝ արհեստական բանականությամբ լուծումներ որդեգրելու կարողությունը:
HerculesAI-ը և Intel-ը միասին մշակել են բեկումնային լուծում, որը համատեղում է HerculesAI-ի առաջադեմ AI տեխնոլոգիան Intel-ի հզոր պրոցեսորների հետ՝ թույլ տալով բիզնեսներին ավելի արդյունավետ և մատչելի գործարկել AI հավելվածները: Արդյունքը Ropers Majeski միջազգային իրավաբանական ընկերությունում տեղադրված փոխակերպիչ AI համակարգն է, որն ավտոմատացնում է ժամանակատար առաջադրանքները, ինչպիսիք ենփաստաթղթերի կառավարումը և հաշվետվությունների ստեղծումը՝ խնայելով օրական 75 րոպե և բարձրացնելով աշխատողների արտադրողականությունը 18․5%-ով:
Այս համագործակցությունը ընկերություններին հնարավորություն է տալիս օգտագործել գեներատիվ AI-ի ողջ ներուժը՝ առանց թանկարժեք չիպերի անհրաժեշտության: Այն բիզնեսներին տրամադրում է ծախսարդյունավետ, անվտանգ և հուսալի AI լուծում, որը կարող է խթանել արդյունավետությունը, բարելավել տվյալների անվտանգությունը և բարձրացնել ընդհանուր կատարողականությունը՝ հիմք դնելով AI-ով աշխատող բիզնեսի վերափոխման նոր դարաշրջանի համար: Ընկերությունը նախ ստանում է 12 մլն դոլար ներդրում՝ պրոֆեսիոնալ ծառայությունների ավտոմատացումը իրականություն դարձնելու համար, ավելի ուշ ստանում է ևս 26 մլն դոլար ներդրում և հայտարարում Series B կարգավիճակի մասին։
Տեխնոլոգիական հնարավորությունները
Ընդունելով human-in-the-loop մոդելը, HerculesAI-ը հնարավորություն է տալիս AI-ին արագ սովորել և կատարելագործվել՝ օգտագործելով մասնագետների արձագանքները՝ էքսպոնենցիալ կերպով բարձրացնելով վստահությունը յուրաքանչյուր կրկնության հետ: Թեև ժամանակի ընթացքում մարդու միջամտության անհրաժեշտությունը նվազում է, օգտվողները միշտ հնարավորություն ունեն խմբագրելու և կարգավորելու իրենց տվյալները՝ պահպանելով ամբողջական վերահսկողությունը ողջ գործընթացում:
Ընկերության AI գործակալները կատարում են աշխատանքի մեծ մասը՝ արտահանելով, փոխակերպելով և ստուգելով համատեքստային տեղեկատվությունը տարբեր ձեռնարկությունների տվյալների աղբյուրներից: Այնուհետև AI-ը տվյալները փոխանցում է որոշումների կայացման խորհրդանշական բազմաշերտ շարժիչին: Սա ստեղծում է մի գործիք, որը հատկապես հմուտ է չկառուցված տվյալների մշակման գործում, մարտահրավեր, որին բախվում են շատ ձեռնարկություններ։ AI-ի 1-ին, 2-րդ և 3-րդ արտադրանքները ստեղծելիս ընկերությունը հասկացավ, որ ձեռնարկությունների կարիքների համար AI-ի ներդրման գործընթացը դանդաղ է և ծանր: Այդ է պատճառը, որ, HerculesAI-ը կառուցեց մի հարթակ, որը թույլ է տալիս AI հավելվածները հավաքել օրերի և շաբաթների ընթացքում: Սա էր Hercules-ի ծագման պատմությունը:
Ընկերությունը ընդլայնվեց դեպի նոր շուկաներ, որտեղ AI-ը կարող էր շահավետ լինել, բայց նախկինում սահմանափակված էր տվյալների զգայուն բնույթի պատճառով, ինչպիսիք են ապահովագրությունը, ֆինանսական ծառայությունները և այլն: HerculesAI-ի նորարարական լուծումներն օգնեցին բիզնեսներին պարզեցնել գործընթացները, նվազեցնել ծախսերը և բարձրացնել արտադրողականությունը՝ ապացուցելով AI-ի արժեքը ձեռնարկատիրական միջավայրում։
10 տարին ետևում է, առջևում դեռ շատ տարիներ են սպասվում
Տասնամյակին ընդառաջ HerculesAI-ը հպարտորեն անդրադառնում է, թե որքան հեռու է հասել և ուր է նախատեսում գնալ:
2024 թվականի նշանակալի իրադարձություն էր ընկերության ռեբրենդը Zero Systems-ից HerculesAI-ի: Այս նոր ինքնությունը ներկայացնում է ընկերության աճը, ուժը և հարմարվողականությունը անընդհատ զարգացող տեխնոլոգիական լանդշաֆտում: «Հերկուլես» անվանումը արտացոլում է հանձնառությունը՝ ապահովելու այն ուժն ու ճկունությունը, որն անհրաժեշտ է բիզնեսներին՝ AI-ի ողջ ներուժն օգտագործելու համար:
Տարիների ընթացքում HerculesAI-ը ընդլայնվել է դեպի նոր շուկաներ, ինչպիսիք են ապահովագրությունը և ֆինանսական ծառայությունները, որտեղ տվյալների զգայունությունը նախկինում սահմանափակում էր AI-ի ընդունումը:HerculesAI-ի միջոցով վերացել են այդ խոչընդոտները՝ տրամադրելով անվտանգ, ծախսարդյունավետ և արդյունավետ AI լուծումներ, որոնք հեշտացնում են գործընթացները և բարձրացնում արտադրողականությունը:
Դե ինչ, եթե դուք ևս ցանկանում եք միանալ HerculesAI-ին և միասին կերտել հաջողության հաջորդ տասնամյակները, ապա հետևեք ընկերության կարիերայի էջին staff.am-ում։
