Հայկական ՏՏ ընկերությունների, նորարական տեխնոլոգիական լուծումների մասին խոսելիս անհնար է չնշել VOLO ընկերության մասին, որը ծրագրային ապահովման ոլորտի առաջատարներից է։ Այլ կերպ ասած, VOLO-ի մասին գիտենք գրեթե բոլորս, բայց արդյո՞ք փորձել ենք ինքներս մեզ համար բացահայտել, թե ինչ է նշանակում VOLO, ինչու ու ինչպես որոշվեց այդպես։ Կամ ինչպես ստացվեց, որ դեռևս 2006թ․-ին հիմնադրված այս ընկերությունը, որն ի սկզբանե Վաղարշյան փողոցի վրա փոքրիկ օֆիսում էր գործում, այժմ հատել է աշխարհագրական բոլոր սահմանները՝ գործընկերային պայմանագրեր կնքելով աշխարհահռչակ ընկերությունների հետ։
Այս առիթով, StaffMedia թիմով մեր նոր նախագծի շրջանակում որոշեցինք կուլիսներից այն կողմ բացահայտել անսպասելի (ինչու չէ նաև չլսված) փաստեր VOLO-ի մասին։
Անգլերեն տարբերակին հետևել այստեղ։
ՓԱՍՏ 1
Volo- ն արդեն «պատանի» է, բայց իր տարիքի համեմատ շատ իմաստուն 🙂
ՓԱՍՏ 2
Հիմնադիրները գիտեին, որ ընկերության համար ուզում են լատիներեն անուն՝ մեկը, որ լավ հնչեր և չունենար թարգմանության խնդիր այլ երկրներում:
Թերթելով ռուս-լատիներեն բառարանն ու հասնելով վերջին տառերին՝ գտան «volo-ն»:
Բառն անմիջապես դուր եկավ թիմին: Սա զարմանալի չէ, հաշվի առնելով, որ VOLO (volo, volare – to fly) նշանակում է թռիչք, ինչպես նաև՝ ես կցանկանայի/ Ես ուզում եմ/ Ես մտադրություն ունեմ:
Կազմակերպության Լոգոն ստացվեց նույնքան հեշտ և ինքնաբուխ, որքան անունը՝ հաղորդելով բոլոր ճիշտ հույզերը և խորհրդանշելով մտքի թռիչք/ թևեր:
ՓԱՍՏ 3
2008-ին VOLO-ի առաջին գրասենյակն ընդամենը 25 մ2
տարածք էր Վաղարշյան փողոցի վրա։
Այժմ ընկերությունն ունի 7 օֆիս․ Հայաստանում (3-ը Երևանում +
1 Գյումրիում) և Ուկրաինայում (Դնեպր, Օդեսա, Զապորոժիա քաղաքներում):
Նպատակն էր ստեղծել կայացած և հաջողակ համաշխարհային կազմակերպություն հայկական արմատներով և ներկայացուցչություններով
ամբողջ աշխարհում, այլ ոչ թե հակառակը:
ՓԱՍՏ 4
VOLO-ն սկսել է իր գործունեությունը հաճախորդներին
տարբեր ծրագրային ապահովման ծառայություններ
մատուցելուց։
«Ժամանակի ընթացքում մեր տնօրինությունը կայացրեց ռազմավարական որոշում՝ սահմանափակել կազմակերպության տեխնիկական ֆոկուսը՝ դառնալով ավելի նեղ, բայց խորը մասնագիտացված և մեր աշխատանքի վարպետներ։
Զարգացմանը համընթաց, մենք ընդլայնեցինք ծառայությունները՝ առաջարկելով մեր գործընկերներին ծրագրային ապահովման ամբողջական փաթեթ»:
- Enterprise and Mobile Development
- Tech Consulting
- DevOps and IT Management
- Cybersecurity
- Project Management
- IoT Development
- AI/ML Development
- Blockchain Development….
ՓԱՍՏ 5
VOLO-ի հավեսով ու tech աշխատանքային առօրյան շատ հաճախ զուգորդվում է նաև սոց․ մեդիա օգտակար արշավներով, որոնք աշխատաշուկայում իրենց հատուկ ազդեցությունն ունեն։ Վերջերս մեկնարկեցին “Hiring, Not Hunting“, “Be You, With Us” և “#WEmpower” սոց․ մեդիա արշավները։
HIRING, NOT HUNTING
ՈՒՂԵՐՁԸ։ VOLO թիմը դեմ է այլ ընկերություններից աշխատակիցներ որսալուն։ Մենք նախընտրում ենք ընդունել աշխատանքի այնպիսի մարդկանց, ովքեր իրենք են ցանկություն հայտնում դառնալ հենց մեր կազմակերպության մի մասը։
ՆՊԱՏԱԿԸ։ Որպես մեր մարդկային ռեսուրսների կառավարման ռազմավարության մաս՝ մենք ցանկանում էինք կոչ անել հայկական ՏՏ ոլորտին չորսալ, այլ գրավել և զարգացնել ճիշտ թիմակիցների։
BE YOU, WITH US
ՈՒՂԵՐՁԸ։ VOLO-ում մենք հավատում ենք, որ մեր ուժը մեր տարբերության և թիմի ամեն անդամի յուրօրինակության մեջ է։ Մեր պայծառ, հետաքրքրասեր և ոգեշնչված աշխատակիցների բազմազանությունը մեր ընկերության մշակույթի և փոխադարձ աճի գրավականներից մեկն է:
ՆՊԱՏԱԿԸ։ Որպես թվային մարքեթինգի մաս՝ մենք ցանկանում էինք շեշտադրել մեր թիմի անդամների անհատականությունն ու յուրահատկությունը, և խրախուսել մյուսներին միանալ մեզ։
#WEmpower
ՈՒՂԵՐՁԸ։ Մենք խրախուսում ենք կանանց մասնակցությունը ՏՏ ոլորտում։
ՆՊԱՏԱԿԸ։ Մեր թիմի օրինակով մենք ցանկանում էինք Հայաստանում երիտասարդ կանանց ներկայացնել իրական, հաջողության հասած դերային մոդելներ, որպեսզի նրանցից շատերը ոգեշնչվեն և միանան ՏՏ ոլորտին:
ՓԱՍՏ 6
Ընդհանրապես կան հետաքրքիր արտահայտություններ, որոնք շատերի համար տարօրինակ կթվան, օրինակ, «Չգնա՞նք սաունա սուրճ խմենք», «Քնել չկա», իսկ հեռավար աշխատանքի այս ժամանակահատվածում շատ հաճախ Teams-ում օգտագործում ենք «Օֆիսում մարդ կա՞», «Շնորհավոր, բա ե՞րբ ենք տորթ ուտելու» արտահայտությունը ։)
ՓԱՍՏ 7
Volo թիմը խրախուսում է աշխատակիցների շարունակական զարգացումը։
Մոտ ժամանակներս ներդրվելու է Training and Development համակարգ, որով աշխատակիցները հստակ կտեսնեն իրենց զարգացման ճանապարհը, տարվա կտրվածքով իրենց մասնագիտական վերապատրաստման ծրագրերը։
Volo-ն պարբերաբար անց է կացնում սեմինարներ և տեղեկատվական հանդիպումներ, որի ընթացքում թիմի փորձառու մասնագետներն իրենց գիտելիքներն ու պատկերացումներն են կիսում աշխատակիցների հետ:
ՓԱՍՏ 8
Volo-ի արժեքներն են՝
Լավագույն մարդիկ և առաջնորդության
խրախուսում
«Մարդիկ մեր ամենամեծ արժեքն ու
զարգացման հիմքն են։ Մենք խրախուսում ենք առաջնորդ լինելու ձգտումները և զարգացնում լավագույն մարդկանց և
մասնագետներին, ովքեր միշտ պատրաստ են անել ավելին, քան իրենցից սպասում են՝ աշխատանքային արդյունքն առավելագույնի հասցնելու համար»:
Որակ և ուշադրություն
«Volo թիմում որակն ու ուշադրությունը և՛ փիլիսոփայություն են, և՛ առօրյայի մաս:
Մենք մոտենում ենք բոլոր նախագծերին ՝ սեփականատիրական մտածելակերպով և
փորձում ենք անընդհատ կատարելագործել մեր գործընթացները: Այս ամենի արդյունքը
բեղմնավոր և երկարաժամկետ հարաբերություններն են մեր գործընկերների
հետ»:
Գլոբալ մտածողություն
«Մեզ համար կարևոր է ստեղծել գլոբալ մտածող, տեղեկացված ու հմուտ մասնագետների թիմ, ովքեր չեն սահմանափակվում աշխարհագրական սահմաններով և պատրաստ են ցանկացած ոլորտային ու բիզնես մարտահրավերների»։
ՓԱՍՏ 9
Նոր աշխատակիցներ ընդունելիս, բացի մասնագիտական որակից և ներուժից, մենք մեծ ուշադրություն ենք դարձնում, որ պոտենցիալ աշխատակիցը լինի VOLO -ՄԱՐԴ (կամ VOLO Style-ի մարդ), որը հիմնված է մեր արժեքների վրա։
Ի դեպ, VOLO -ում աշխատում են շատ գունավոր մարդիկ, ամեն մեկն իր գույնն ունի ու տարբերվող է, արվեստի տարբեր ճյուղերի նկատմամբ տաղանդով ու
հետաքրքրություններով։
ՓԱՍՏ 10
Volo-ն ունի բենեֆիթների մեծ փաթեթ, ինչպես շատ ՏՏ կազմակերպություններ, որոնք չենք թվարկի այստեղ․
«Ամենահետաքրքիր բենեֆիթը, որը հրաշալի
բնութագրում է մեր տնօրեններին ու կազմակերպության
ընտանեկան շունչը, դա 4 մլն դրամի պարգևատրումն է
4-րդ երեխայի ծննդյան կապակցությամբ։
Բացի դրանից, այն աշխատակիցները, որոնց Volo-ում աշխատանքի տասնամյակը լրանում է, առանձնահատուկ նվեր անակնկալ են ստանում՝ ուղևորություն երկուսի համար դեպի իրենց ընտրած վայր»:
Կարծում ենք՝ արդեն պատկերացրեցիք, թե ինչքան դժվարությամբ ենք ընտրել 10 փաստ հարյուրավոր հետաքրքիր փաստերից․ չէ՞ որ խոսքը 14-ամյա պատմության մասին է։ Բայց VOLO թիմը, ինչպես և նկատեցիք մեծ ոգևորությամբ օգնեց մեզ։
Եթե ամփոփենք, ապա VOLO ընկերության թռիչքը ճիշտ ձևավորված աշխատանքային գործընթացների, բիզնեսի արդյունավետ կառավարման, մասնագետների փորձի ու շարունակական զարգացման, միմյանց ու աշխատանքի հանդեպ հոգատարության արդյունք է։ VOLO-ն գլոբալ ընկերություն է, որտեղ չկան տնօրինություն – աշխատակիցներ փոխհարաբերություններ, այլ բոլորն իրենց գործի սեփականատերերն են։
