Նշում ենք կին ձեռներեցների միջազգային օրը

Ի՞նչ է նշանակում լինել կին ձեռներեց։

Կին ձեռներեց լինելն անչափ պատասխանատու դեր է, որտեղ կանայք ամենայն լրջությամբ և հոգատարությամբ են վերաբերվում իրենց պարտականություններին: Լինել կին ձեռներեց նշանակում է կորտրել կարծրատիպերը, ամբողջությամբ տրվել աշխատանքին՝ չխնայելով ջանք ու ժամանակ և ցանկացած իրավիճակում պահպանելով կանացի հմայքը:

Ի՞նչ է նշանակում լինել կին ձեռներեց։

Ոչ մի բան չհասցնել, երեխեքին հա մոռանալ դպրոցում, քոլերի ժամանակ քնել, միշտ սև հագնել, որ ժամանակ չծախսես գույն բռնացնելու վրա ու հետո պոստեր ու ստորիներ անել, որ յանիմ սաղ հիասքանչա ու փայլուն:)))

Ի՞նչ խորհուրդ կտաք ապագա կին ձեռներեցներին։

Չհանձնվեք! երևի վերջը լավա լինելու:)

Ի՞նչ է նշանակում լինել կին ձեռներեց։

Նշանակում է լինել խիզախ, պատասխանատու, հոգատար, ստեղծագործ ու նորարարական մտածելակերպով մարդ։ Արթնանալ ամեն առավոտ աշխարհն ավելի լավ ապրելու վայր դարձնելու պատրաստակամությամբ և մտածել․ -” Եթե ոչ ես ապա ով, եթե ոչ այսօր ապա երբ”։ Դժվարություններից չվախեցող և խնդիրներ լուծող մարդ, ով չի հիասթափվում, չի հուսահատվում, չի վախենում։ Նա միաժամանակ կարողանում է շատ բաներ անել, շարունակելով լինել ընտանիքի մայր, հոգատար քաղաքացի, լավ ընկեր և մարդկային ներուժը տեսնող ու բացահայտող ղեկավար։

Ի՞նչ խորհուրդ կտաք ապագա կին ձեռներեցներին։
Գտնել այն ուղղությունը, որի մեջ կիրք կդնեք, մինչև վերջ կգնաք և չեք վախենա դժվարություններից։ Երբեք մի փորձեք ապացուցել, որ կինն էլ կարող է խելացի ու կոմպետենտ լինել, դրա կարիքը չկա։ Ուղղակի շատ լավ արեք այն ինչ անում եք։ Պետք չի մրցել և ոչ ոքի հետ, գտեք ձեր նիշային շուկան և համագործակցեք։ Հիշեք դուք կարող եք լինել խմորիչ, որը կարող է բազմապատկել և աճեցնել։

Ի՞նչ է նշանակում լինել կին ձեռներեց։

1) быть ответственной за других людей 2) планировать долгосрочно 3) постоянно улучшать продукт, команду, себя 4) постоянно учиться 5) рисковать 6) успевать немыслимо много 🙂

Ի՞նչ խորհուրդ կտաք ապագա կին ձեռներեցներին։

1) нанимайте других женщин, особенно младше вас, и помогайте им 2) найдите себе ментора-женщину, которая круче вас, и советуйтесь с ней 3) ничего не стесняйтесь 4) требуйте большего, даже если вам кажется, что вы еще не достойны. Согласно исследованиям, женщины подаются на работу, если они думают, что они на 150% подходят, а мужчины, если на 60%, так что не сомневайтесь и идите вперед всегда и находите для себя лучшие условия.

Ի՞նչ է նշանակում լինել կին ձեռներեց։

Միգուցե ոլորտով պայմանավորված (ՏՏ), սակայն քիչ եմ բախվել իրավիճակների, երբ ձեռներեցության մեջ տարբերություն կա՝ կին է, թե տղամարդ դիմացինը։ Ամեն դեպքում, սա նախևառաջ ահռելի կամքի ուժի ու չհանձնվելու մասին է։

Ի՞նչ խորհուրդ կտաք ապագա կին ձեռներեցներին։

1) Հավատալ, որ տարբերություն չկա կին ես, թե տղամարդ․ hardworking, good network, professionalism-ը կապահովեն ճանապարհը դեպի հաջողություն։ 2) Նորից, չհանձնվել, հատկապես, երբ բախվում ես սուբյեկտիվության ու կարծատիպային վերաբերմունքի։ Հենց այստեղ է, որ պիտի պատերը կոտրելով առաջ գնալ։ 3) Նորմալ ու քիչ ինքնաքննադատությամբ վերաբերվել քեյզերին, երբ ոչինչ չանելու տրամադրությամբ ես կամ ուղղակի ցանկանում ես անորոշ ժամանակով օնհոլդի դնել կյանքը կամ երբ հիասթափված ես տղամարդկանց (ու կամ ոչ միայն տղամարդկանց կողմից) թերագնահատումից։ Դա էլ է նորմալ․ գերմոտիվացված պատմությունները միայն ինստագրամում են, որոնց ետնաբեմը, սակայն, չենք տեսնում։

Ի՞նչ է նշանակում լինել կին ձեռներեց։

Լինել կից ձեռներեց նշանակում է մշտական պայքարի մեջ գտնվել կյանքի տարբեր դերերի, քո մեջ գտնվող “կին” և “ձեռներեց” ես-երի միջև ներդաշնակության համար, սեփական գաղափարների և երազանքների ու հասարակության կողմից թելադրվող մի շարք “կարծրատիպային նորմերի” միջև։ Մի խոսքով կայուն էքստրիմ և ադրենալին ))

Ի՞նչ խորհուրդ կտաք ապագա կին ձեռներեցներին։

Հավատացեք ձեր երազանքներին և գնացեք դրանց հետևից, թուլ տվեք ձեզ երազել և մի վախեցեք փորձելուց, ինչու ոչ նաև սխալվելուց և ձախողելուց։ Թույլ տվեք ձեզ լինել “թույլ” և օգնություն խնդրել երբ դրա կարիքն ունեք և եղեք ուժեղ և առաջնորդ, երբ զգում եք, որ պահը դա է պահանջում։ Շրջապատեք ձեզ մարդկանցով, ովքեր օգնում են ձեզ ուժեղանալ, ովքեր ոգեշնչում և զարգացնում են ձեզ։ Արեք այն, ինչից հաճույք եք ստանում)

Ի՞նչ է նշանակում լինել կին ձեռներեց։

Պատասխանատվության զգացում այն կանանց մոտ, ովքեր վախենում են սկսել իրենց բիզնեսը: Դա մեծ կարծրատիպերի կոտրում է, որ միայն տղամարդը չէ, որ կարող է հաջողել բիզնեսում: Ցույց տալ այլ կանանց, որ իրենք նույնպես կարող են լինել ձեռներեց ու չվախենան մարտահրավերներից:

Ի՞նչ խորհուրդ կտաք ապագա կին ձեռներեցներին։

Լինել համառ և համբերատար: Խորհուրդս է հավատալ քո ուժերին, մտածել մեծ, աննդհատ սովորել և վստահ լինել, որ հնարավոր է դնել մեծ նպատակներ ու հասնել դրանց ամենօրյա քրտնաջան աշխատանքով:


Ի՞նչ է նշանակում լինել կին ձեռներեց։

Ցավոք մեր հասարակությունը (անկախ աշխարհագրությունից) դեռ պատրաստ չէ տեսնել հաջողակ կին ձեռներեցներ։ Այդ իսկ պատճառով լինել կին ձեռներեց, նշանակում է նախ և առաջ կոտրել կարծրատիպեր, ձեռնոց նետել ստատուս-քվոյին և ամեն մի փոքր կամ մեծ հաջողությամ ապացուցել որ հաջողակ լինելը սեռից կախված չէ, անհրաժեշտ է միայն ցանկություն և հաստատակամություն։

Ի՞նչ խորհուրդ կտաք ապագա կին ձեռներեցներին։

Խորհուրդ կտամ երեք կարևոր բան՝ – Հավատալ սեփական ուժերին և գաղափարներին ու գտնել համախոհներ, որոնք նույնպես կհավատան և կաջակցեն – Երբեք ուշադրություն չդարձնել տարիքին՝ դուք կարող եք սկսել 18-ում, 50-ում կամ ավելի ուշ, եթե կա ցանկություն ուրեմն կա նաև հնարավորություն – Պատրաստ լինել անելու ավելին, սովորել ավելին ու բացահայտել ավելին։ Չէ որ, եթե ուզում եք ունենալ այն ինչ չունեք, պետք է անեք այն ինչ չեք արել։