staff.am-ի «ՀՀ աշխատաշուկա 2024» զեկույցը լրատվամիջոցների ուշադրության կենտրոնում

«Բանկային վարկային գործ, վաճառքի և սպասարկման կազմակերպում և ծրագրավորում․ 2024-ի ամենապահանջված մասնագիտությունների եռյակն է։ staff.am-ի արդեն ութերորդ վերլուծությունը հետաքրքիր միտումներ է արձանագրել աշխատաշուկայում։ ֆինանսաբանկային ոլորտում 2024 թվականի ակտիվությունը գերազանցել է Տեղեկատվական տեխնոլոգիաների ոլորտին…»։

«Հայաստանում տեղեկատվական տեխնոլոգիաների ոլորտում միջին աշխատավարձը (հարկերը ներառյալ) կազմում է 1,125,000 դրամ, այն ամենաբարձրն է Հայաստանում:

Staff.am-ի հրապարակած «ՀՀ աշխատաշուկա 2024» հետազոտության մեջ նշվում է, որ ՏՏ-ն առաջատար ոլորտներից է եւ բոլոր աշխատանքների մոտ 27%-ը բաժին է ընկնում ՏՏ-ին։

Ոլորտում աշխատում է 31,848 մասնագետ:

Ըստ Staff.am-ի, ոլորտի ամենաակտիվ եւ ամենախոշոր գործատուներն են SoftConstruct եւ Digitain ընկերությունները․․․ »։

«Հայաստանի ֆինանսաբանկային ոլորտում միջին աշխատավարձը (հարկերը ներառյալ) կազմում է 838,000 դրամ: ՏՀՏ ոլորտից հետո սա երկրորդ ամենաբարձր ցուցանիշն է Հայաստանում:

Ըստ Staff.am-ի «ՀՀ աշխատաշուկա 2024» հետազոտության՝ ֆինանսաբանկային ոլորտը կայքում առաջին ամենաակտիվ ոլորտն է. բոլոր աշխատանքների մոտ 29%-ը բաժին է ընկնում Ֆինանսաբանկային ոլորտին:

Ոլորտում աշխատում է 22,844 մասնագետ:

Ամենապահանջված մասնագիտությունն է բանկային եւ վարկային գործը, իսկ ամենապահանջված սոֆթ հմտությունները՝ «Ժամանակի կառավարում» եւ «Թիմում աշխատելու ունակություն…»։

ՀՀ աշխատաշուկայի ակտիվության վերլուծություն, աշխատավարձեր, աշխատաշուկայի հիմնական ցուցանիշներ, մարզային ակտիվության վերլուծություն, նեղ մասնագիտական ոլորտներ

Ձեզ ենք ներկայացնում staff.am-ի վերլուծությունը՝ նվիրված աշխատաշուկային։

2024 թ.-ի ամենապահանջված 20 մասնագիտական ոլորտները և դրանց
համեմատությունը 2023թ.-ի տվյալների հետ

«Գրաֆիկում ներկայացված է ընդհանուր հաստիքների մեջ ամենապահանջված մասնագիտությունների համեմատական վերլուծությունը։ Բանկային ոլորտը ամենաակտիվն է եղել հավաքագրման առումով, ինչը վկայում է նաև «Բանկային և վարկային գործ» մասնագիտության պահանջարկի շարունակական աճի մասին, որն արձանագրվել էր նաև 2023 թվականին՝ համեմատած 2022-ի հետ…»:

«Օրերս հրապարակված «ՀՀ Աշխատաշուկա 2024» ամենամյա զեկույցում մանրամասն ներկայացված են ՀՀ աշխատաշուկայի հիմնական ցուցանիշներն ու միտումները: Վերլուծությունն իրականացվել է staff.am կարիերայի օնլայն հարթակի կողմից, սեփական տվյալների և staff.am թիմի կողմից 2024թ. տարբեր ուսումնասիրությունների արդյունքում հավաքված տվյալների հիման վրա։ Աշխատաշուկայի մակրոտնտեսական ցուցանիշների մասով տվյալների համար օգտագործվել է ՀՀ Վիճակագրական կոմիտեի (ՎԿ) կողմից հրապարակված պաշտոնական տեղեկատվությունը, իսկ աշխատավարձերի մասով վերլուծության մեջ կիրառվել են ինչպես ՀՀ ՎԿ, այնպես էլ staff.am տվյալները։ Վերլուծության շրջանակներում ուսումնասիրվել է մոտ 69,500 աշխատանքի հայտարարություն`2022- 2024 ժամանակահատվածի համար…»:

«Հայաստանյան աշխատաշուկան 2024-ին ևս շարունակել է փոփոխություններ կրել՝ ձևավորելով պահանջված մասնագիտությունների նոր թոփեր։ staff.am էկոհամակարգի Compass վերլուծական ուղղության շրջանակներում իրականացվել է «Աշխատաշուկա 2024» զեկույցը, որտեղ կատարվել է աշխատաշուկայի հետ կապված մակրոտնտեսական ցուցանիշների վերլուծություն։  

Այս տարի առանձնացել են հատկապես բանկային և ոչ-ՏՏ մասնագիտությունները, ինչը վկայում է աշխատաշուկայի ավելի լայն ընդգրկման ու ՏՏ ոլորտից ապակենտրոնացման մասին։
2024 թվականի ամենապահանջված մասնագիտությունների շարքում առաջին տեղում են բանկային և վարկային մասնագետները։ Վերջին տարիներին այս ոլորտի ակտիվությունը համեմատաբար կայուն է եղել՝ պայմանավորված տնտեսության մեջ ակտիվ դերակատարմամբ…»:

«ՀՀ Աշխատաշուկա 2024»-ի հիմնական ենթաբաժիններն են

* 2024 թ․-ի ամենապահանջված մասնագիտությունները և դրանց համեմատությունը 2023թ.-ի տվյալների հետ:

* Ամենաակտիվ գործատուները՝ ըստ գործունեության ոլորտի:

* Մարզային հաստիքների ուսումնասիրություն, ամենաակտիվ մարզային քաղաքներ, համեմատականներ՝ 2022-2023թթ. հետ, ամենաակտիվ մարզային գործատուներ, մարզային միջին աշխատավարձեր:

* ՀՀ-ում աշխատավարձերի ուսումնասիրություն ըստ տնտեսական ոլորտների, ըստ սեռի և կազմակերպության չափի:

* Տեղեկատվական տեխնոլոգիաներ, Ֆինանսաբանկային, Հեռահաղորդակցություն, Ներկրում/Արտահանում/Առևտուր և Արտադրության ոլորտների մանրամասն ուսումնասիրություն, այդ թվում միջին աշխատավարձեր…»:

«Staff.am–ի կողմից իրականացված հետազոտության համաձայն, նախորդ տարի Հայաստանում ամենապահանջված 20 մասնագիտությունների  ցանկը գլխավորել է բանկային գործը։ Հայտարարված թափուր հաստիքների մոտ 30%-ը բաժին է հասել հենց ֆինանսաբանկային ոլորտին։Ինչո՞վ է պայմանավորված այն հանգամանքը, որ տեղեկատվական տեխնոլոգիաների ոլորտը զիջել է բանկայինին։ Ըստ հետազոտության հեղինակների՝ պատճառն առաջին հերթին բանկային համակարգի ակտիվ աճն է, ապա ՏՏ ոլորտի ակտիվության նվազումը, ինչը պայմանավորված է միջազգային ՏՏ ոլորտում առկա ճգնաժամով…»: